web counter
LEXO PA REKLAMA!

SHKARKO APP

App Store
Google Play

VIDEO/ 3 gola për 7 minuta, Ferencvaroshi i Uzunit likuidon Prishtinën në pjesën e dytë

6 Korrik 2021, 18:11, Sport CNA

Prishtina arriti të rezistonte vetëm 70 minuta në përballjen ndaj Ferencvaroshit të Myrto Uzunit teksa më pas katranosën gjithçka duke pësuar 3 gola në harkun kohor të 7 minutave.

Kampionët në fuqi të Kosovës, zhvilluan një pjesë të parë mjaft të mirë, ku shansin e artë e pati Oto Xhon në minutën e 35-të, ku u vetëm përballë portierit e dërgoi topin jashtë kuadratit.

Edhe në minutat e para të pjesës së dytë, Prishtina provoi të rrezikonte, ndërkohë që në minutën e 71-të bardheblutë u thyen, duke u ndëshkuar nga Nguen.

Në këto moment prishtinasit e humbën kontrollin teksa pësuan edhe 2 gola të tjerë me anë të Mae dhe Blaziç, duke venitur përfundimisht shpresat për një mrekulli të mundshme. Për sa i përket Myrto Uzunit, vlen të theksohet se futbollisti i Kombëtares shqiptare bëri një paraqitje mjaft të mirë pavarësisht se nuk arriti të realizonte.

FT: FERENCVAROSH-PRISHTINA 3-0

Nguen 71? , Mae 74? , Blaziç 77? 

77? GOL FERENCVAROSH 3-0/ Shkërmoqet Prishtina, kampionët e Kosovës duken të dorëzuar totalisht, teksa pësojnë edhe golin e tretë me anë të mbrojtësit Blaziç. 

74? GOL FERENCVAROSHI 2-0/ Shënojnë sërish hungarezët, me Mae, i cili pas asistit të Mak, nuk fal nga shumë pranë portës. 

71? GOL FERENCVAROSHI 1-0/ Thyehet Prishtina, vendasit realizojnë me anë të Nguen, i cili pas harkimit nga e majta, devijoi saktë brenda zonës, duke kaluar në avantazh hungarezë. 

 





Lajmet e fundit nga