E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Projekti i BB për energjinë drejt mbylljes/ Ende 25 milionë USD pa disbursuar

30 Qershor 2021, 08:52, Ekonomi CNA

Banka Botërore bëri publikoi raportin e fundit të rishikimit të projektit të rimëkëmbjes së sektorit të energjisë duke saktësuar se ende 25.23 milionë dollarë janë të padisbusuara.

Deri më tani ishin tërhequr për komponentët e projektit rreth 78 për qind e fondeve nga totali prej 126 milionë dollarë që kishte në dispozicion projekti i rishikuar. Sipas datës së publikuar parashikohet që projekti të mbyllet brenda datës 30 qershor 2021 çka do ta bënte të pamundur për Shqipërinë tërheqjen e fondeve që ende janë të pashpenzuara.

Projekti për rimëkëmbjen e sektorit të energjisë nisi në vitin 2015 pas një kredie që qeverisë iu dha nga Banka Botërore. Kjo e fundit edhe këtë herë e ka vlerësuar ecurinë e projektit si ?të kënaqshëm në mënyrë të moderuar? diçka që ka ndodhur vazhdimisht. Në këto vlerësime ndër vite banka ka nënvizuar se në disa raste reforma është ngadalësuar dhe arritja e rezultateve të kërkua është zgjatur më shumë në kohë sesa parashikimi (rasti i humbjeve).

Projekti ka katër komponentë ku i pari siguroi fonde për importimin e energjisë elektrike gjatë rehabilitimit të hidrocentraleve kryesore në Shqipëri (mbështetur nga Banka Botërore në kuadër të Projektit të Sigurisë së Digave) me një vlerë 30 milionë USD.

Komponenti 2 përfshin financimin për të përmirësuar infrastrukturën e shpërndarjes së energjisë në rrjetin e shpërndarjes si dhe sistemin matës duke ndihmuar kështu Huamarrësin për të zvogëluar humbjet e energjisë, përmirësimin e arkëtimeve dhe furnizimit me energji elektrike me vlerë 93 milionë USD.

Komponenti 3 lidhet me ndërhyrjet në rrjetin e rrjetit të transmetimit të energjisë dhe sistemin matës për të forcuar aftësinë e OST për të transmetuar energji me një vlerë 20 milionë USD dhe komponenti 4 që përfshin asistencë teknike me një vlerë 7 milionë USD.

Kredia tek BERZH

Ende pa përfunduar projekti me BB Operatori i Shpërndarjes së Energjisë Elektrike ka aplikuar për një tjetër financim pak muaj më parë pranë Bankës Europiane për Rindërtim dhe Zhvillim. OSHEE kërkoi 70 milionë euro nën argumentin e përballimit të pasojave të shkaktuara nga COVID-19 si dhe investimeve që ka nevojë që të kryejë në rrjetin e saj.

Aktualisht kërkesa e OSHEE ka kaluar rishikimin final dhe është në pritje të aprovimit./ N.MAHO-Monitor