E fundit!

07:30 Kosova & Bota

Tronditet Venezuela/ Dy tërmete të fuqishme godasin vendin, 32 viktima dhe mbi 700 të plagosur

Dy tërmete të fuqishme me magnitudë 7.2 dhe 7.5 ballë të s...

Arrestohet “gruaja e pokerit” në Tiranë/ Zbardhet dëshmia që dha para policisë

23 Qershor 2021, 12:44, Aktualitet CNA

Një shtetase me inicialet K.K ka përfunduar në polici pasi brenda ambienteve të lokalit të saj organizonte lojëra të paligjshme.

Sipas burimeve për Gazetën si.al, 35-vjeçarja në Kombinat është arrestuar në flagrancë.

Së bashku me të renë, u prangos edhe një person tjetër, shtetasi S.R., i moshës 33 vjeç, gjithashtu nën akuzë për të njëjtën vepër penale.

Por, gjatë marrjes në pyetje, bëhet me dije se ?gruaja e pokerit? ka kundërshtuar dhe hedhur poshtë dyshimet e agjentëve me arsyetimin se pandemia i kishte vështirësuar biznesin dhe stopuar klientelën.

?Kam tentuar disa herë që këtë biznes ta regjistroj pranë QKB, por për shkak të Covidit, ky institucion ishte i mbyllur. Kisha dijeni që në ambientin që mora me qira ishte një tavolinë pokeri, por nuk e dija që mbajtja e saj ishte e jashtëligjshme?, citojnë të ketë thënë ?gruaja e pokerit?.

Megjithatë policia këmbëngul se në lokal, menjëherë sapo mbërriti, gjeti rreth kësaj tavoline klientë që po luanin. Ky version sipas burimeve policore, kundërshtohet nga e arrestuara.

?Personat që u gjetën në tavolinë, nuk kam dijeni se çfarë po bënin. Isha duke folur në telefon me një mikun tim që po më pyeste për policinë dhe nuk isha aspak aty. Sapo miku më njoftoi që kishte parë policinë, mora kontratën e qirasë dhe u paraqita vetë në komisariat?, është shprehur gruaja.

Praninë e disa burrave, duke luajtur poker, gruaja e konsideron si shpërdorim të besimit nga të njohurit dhe klientët që frekuentojnë lokalin e saj.

Megjithatë policia e Kombinatit, shpjegon se përveç pronares së barit, i ka vendosur prangat dhe një shtetasi tjetër. Por shtetasi S.R., ka folur shkurt, thanë burimet, duke deklaruar: ?Do flas në një moment tjetër?.

Policia deklaron se ka sekuestruar telefonat dhe i ka dërguar në laboratorin e kriminalistikës, nën dyshimet se klientët, përveç pokerit, kanë vendosur përmes telefonit baste ?live?, duke porositur me telefon dhe duke parashikuar rezultatin e ndeshjeve./ CNA.al