web counter
LEXO PA REKLAMA!

SHKARKO APP

E fundit!

x

Përplasjet për masat anticovid/ Ministria e Shëndetësisë përgënjeshtron Dritan Lelin

22 Qershor 2021, 08:04, Aktualitet CNA

Sekretari i Këshillit të Lartë, Agron Gjipali ka komunikuar me përfaqësuesit e lartë të Ministrisë së Shendetësisë përsa i përket mbledhjes së njoftuar nga Këshilli Bashkiak në Vlorë për ditën e sotme.

Gjipali ka kërkuar një konfirmim mbi ligjshmërinë e realizimit të mbledhjes pasi sipas tyre po shkelen rregullat anticovid.

Pas kërkesës së Gjipalit, zëvendës ministrja e Shëndetësisë, Mira Rakacolli ka shpjeguar se mbledhja mund të mbahet fizikisht pasi Vlora paraqitet në një situatë të mirë epidemike dhe nuk ka asnjë rast Covid.

Në 2 mbledhjet e fundit kreu i bashkisë Vlorë, Dritan Leli nuk është paraqitur në mbledhje, ka marrë pjesë online.

?Përsa i përket Urdhërit të  Ministres së Shëndetësisë ?Për ndalimin e grumbullimeve në vende të mbyllura apo te hapura? qëllimi ka qenë ndalimi i grumbullimeve të posaçme, që sikundër përmendet në urdhër lidhet me tubimet, konferencat, mbledhjet partiake, ceremonitë  festive etj. ku rreziku i trasmetimit të virusit është shumë i lartë.

Përsa më sipër ky urdhër nuk cënon aktivitetin e Këshillit Bashkiak, pasi zhvillimi i  mbledhjeve është vijimësi e punës së Këshillit Bashkiak, një praktikë që përdoret edhe nga institucione të tjera që punën e tyre e mbështesin mbi organe kolegjiale.

Sot Vlora paraqet një situatë epidemiologjike të mirë, pa asnjë rast Covid. Sigurisht, këto mbledhje duhet të zhvillohen në përputhje me protokollet anti-Covid të miratuara si respektimi i distances, mbajtja e maskes, kushtet higjenosanitare etj?, shkruan Rakacolli./ CNA.al





Lajmet e fundit nga