E fundit!

16:40 Aktualitet

Investimi në Zvërnec/ Rama: Ja njeriu që investitorët kanë kontraktuar për arkitekturën e peizazhit

Kryeministri Edi Rama ka zbuluar arkitektin me famë botëro...

Lulzim Basha tradhëtoi demokratët/ Bujar Nishani publikon faktet

15 Qershor 2021, 07:56, Politikë CNA

Ish-presidenti Bujar Nishani, shkruan se demokratët që morën pjesë në protestat e opozitës, tashmë janë të tradhëtuar nga ai që i thirri në protestë, Lulzim Basha.

Në një postim në rrjetet sociale, Nishani shkruan se gjatë takimeve në kuadër të fushatës për kreun e PD-së, ka mësuar se qindra demokratë, prej një viti endeshin dyerve të prokurorive dhe gjykatave si të pandehur për arsyen e vetme se kishin marrë pjesë në protestat e opozitës kundër rregjimit banditesk të Edi Ramës.

?Të nderuar miq, gjatë ditëve të fushatës për zgjedhjen e Kryetarit të PDSH, në takime në qytete të ndryshme përveç të tjerash ndesha me një situatë të papranueshme për shumë anëtarë, aktivistë dhe simpatizantë të Partisë Demokratike.

Qindra prej tyre në të gjithë Shqipërinë endeshin prej 1 (një) viti nëpër dyert e prokurorisë e gjykatave si të pandehur për arsyen e vetme se kishin marrë pjesë në protestat e opozitës kundër rregjimit banditesk të Edi Ramës.

Por ata tashmë ishin lënë vetëm, në mëshirën e fatit të përballeshin me Padrejtësinë e kontrolluar nga Pushteti.

E drejta e protestës është e drejta më fondamentale e njerëzve të lirë.

Një e drejtë e garantuar dhe mbrojtur nga Kushtetuta në Shqipëri.

Lulzim Basha i thirri në protestë demokratët dhe ata ju përgjigjën me dinjitet e sakrifica !

Por sot ata demokratë janë të braktisur, ata janë të tradhëtuar !

Të papunë për shkak të bindjeve politike janë në pamundësi financiare të pajtojnë avoketër e të ndjekin procedurat e padrejta hetimore e gjyqësore.

Ata janë të tradhëtuar edhe nga ata që ju kërkuan atyre aksionin qytetar.?-shkruan Nishani.

Më tej, ai iu bën thirrje të gjithë avokatëve, të ndihmojnë pa pagesë këta qytetarët, të tradhëtuar dhe lënë rrugëve nga Lulzim Basha.

?Ju bëj thirrje të gjithë avoketërve me integritet të lartë profesional, moral, qytetar e civil; të marrin përsipër mbrojtjen dhe ndjekjen e proçedurave gjyqësore të këtyre qytetarëve, falas pa pagesë !

Ata demostruan përgjegjësi qytetare duke u ngritur ndaj padrejtësive, varfërisë, keqqeverisjes, korrupsionit, skandaleve të një pushtetit abuzues.

Njeriu që i thirri në protestë i ka harruar dhe abandonuar tashmë.

Por ata nuk duhen lënë vetëm !

Misioni i tyre ishte qytetar dhe meritojnë vëmendje e kujdes qytetar ! ?-përfundon postimin e tij Bujar Nishani.