web counter
LEXO PA REKLAMA!

SHKARKO APP

App Store
Google Play

Kryetari i PD-së së Devollit “rebelohet” me Bashën/ Bojkoton zgjedhjet për demokratët e përjashtuar

13 Qershor 2021, 19:52, Politikë CNA

Kryetari i degës së Partisë Demokratike në Devoll, Arben Miza, ka bojkotuar zgjedhjet për kryetarin e ri.

Lajmin e ka bërë të ditur vetë Miza, i cili ka shprehur indinjatën e tij lidhur me heqjen e të drejtës së votës të shumë demokratëve nga ana e Lulzim Bashës.

Kreu lokal i PD-së së Devollit deklaron se bojkoti i zgjedhjeve vjen si një akt solidariteti ndaj të gjithë demokratëve që i është mohuar sot e drejta të shprehin pëlqimin e tyre me votë.

?I vlerësoj të 4-kanditaturat. Refuzoj të votoj në shenjë solidariteti me të gjithë ata demokratë, të cilëve ju mohua e drejta për të votuar!?, shkruan Miza në rrjetet sociale.

Ndërkohë, kujtojmë se zgjedhjet e tetorit të 2020-ës në PD-në e Devollit për kandidatët për deputetë, u shoqëruan me incidente dhe përplasje.

Mes drejtuesve lokalë të Devollit plasi grushti, pasi disa mbështetës të ish-kryebashkiakut të Devollit Bledion Nallbati qëlluan me grushte kryetarin e PD-së Arben Miza.

Në këtë sherr janë nxjerrë edhe armët dhe pavarësisht se Sekretari i Përgjithshëm i PD-së Gazmend Bardhi, bëri thirrje të qetësohet situata, kjo rezultoi pa sukses.

Demokratët rrahën kryetarin e PD-së, duke qenë se ky i fundit kishte ngritur akuza ndaj Nallbatit lidhur me blerjen e votave dhe dëmtimin e procesit zgjedhor.

Miza është është dëbuar nga PD dhe demokrattë e kanë shpallur armik./ CNA.al

Plas në PD-në e Devollit/ Grushta mes drejtuesve lokalë, nxjerrin armët





Lajmet e fundit nga