web counter
LEXO PA REKLAMA!

SHKARKO APP

App Store
Google Play

Rihapja e hetimeve të Gërdecit dhe 21 Janarit / Berisha: Nuk kam frikë, jam përgjegjës për veprimet e fëmijëve

4 Qershor 2021, 19:29, Politikë CNA

Ish kryeministri Sali Berisha ka komentuar çështjen e dosjeve të 21 Janarit dhe çështjes së Gërdecit, cilat janë rihapur për hetim pas shumë kohësh.

I ftuar në Zonë e Lirë, i pyetur se a ka frikë për rihapjen e hetimeve, Berisha është shprehur se ai ka të vërtetën me vete.

Përsa i përket fëmijëve të tij, Berisha deklaroi se është përgjegjës për çdo veprim të tyre.  Ish kryeministri shtoi se i ka detyruar fëmijët që të deklarohen njësoj si ai. Ndër të tjera, Berisha u shpreh se djali i tij, Shkëlzeni ka punuar vetëm tre muaj në administratë publike dhe më pas vetëm në privat.

?Nuk kam frikë se kam të vërtetën me vete. Ata ti marrin 100 herë.

Unë kam deklaruar dhe deklaroj, jam përgjegjës për çdo veprim të fëmijëve të mi. Në 2005 u kam thënë Shqiptarëve që për çdo veprim të fëmijëve të mi mbaj përgjithësi.

I kam detyruar fëmijët që të deklarohen njësoj si i jati.  Djali im ka marrë vetëm 3 muaj rrogë në administratë publike dhe më pas ka qenë në privat. Djali është këshilltar ligjor vajza është avokate?, u shpreh Berisha./ CNA.al

 





Lajmet e fundit nga