web counter
LEXO PA REKLAMA!

SHKARKO APP

App Store
Google Play

Video- Fabrika e tullave rrezik për jetën e banorëve/ Asnjë kontroll dhe penalitet

26 Maj 2021, 10:43, Aktualitet CNA

Fabrika e tullave në Maminas është kthyer në një shqetësim serioz për banorët e zonës. Ndotja e mjedisit nga tymi ka bërë që ankesat e qytetarëve të jenë të shpeshta, por duket se institucionet ligj zbatuese janë bërë ?shurrdhë dhe qorra? përballk kësaj situate.

Shtëllungat e tymit përshkruajnë sipërfaqe të madhe ajrore çdo ditë të javës, duke dhuruar një panoramë sa ndotëse për shëndetin e komunitetit aq edhe të shëmtuar.

Kontrolli është zero, po aq sa penalizime, duke i lënë të lirë në veprimtarinë e tyre.

Në redaksinë e CNA.al ka mbërritur një video, ku tregohet qartë situata jo normale si pasojë e ndotjes, duke vënë në rrezik serioz jetën e banorëve nga ndotja.

Kjo situatë është bërë shumë e përsëritshme, çka ka bërë që banorët të dalin shpesh herë edhe në protesta të ndryshme.

Edhe në mediat e tjera është denoncuar e njëjta situatë, ku emetimi i gazrave të rënda që lëshon kjo fabrikë 24 orë është kthyer në një nga çështjet më shqetësuese, përsa i përket mirëqenies shëndetësore të banorëve të zonës.

Një qytetar denonconte pak kohë më parë pranë JOQ se: “Pershendetje JOQ. Kjo eshte fabrika e tullave Kid-Alb ne Maminas e cila punon 24h non-stop. Diten punon me gaz ndersa naten qe nuk shikohet punon me qymyr. Po vdesim nga afiksia dhe askush nuk merr masa.?

Tymi që buron nga këto fabrika ndikon në uljen e cilësisë së ajrit në zonat përreth, çka mund të shkaktojë shumë çrregullime të frymëmarrjes tek njerëzit që banojnë në këto zona./CNA.al





Lajmet e fundit nga