web counter
LEXO PA REKLAMA!

SHKARKO APP

App Store
Google Play

E fundit!

x

Goditet grupi kriminal, disa të arrestuar/ Ja për çfarë akuzohen

22 Maj 2021, 08:53, Kronika CNA

Një grup kriminal është goditur nga Policia e Durrësit, e cila ka vënë në pranga tre persona, ndërsa tre të tjerë janë shpallur në kërkim.

Mësohet se grupi ushtronte aktivitet kriminal në fushën e vjedhjeve me dhunë në Durrës dhe qytete të tjera.

Në kuadër të operacionit të koduar ?Shëtitësit?, u ekzekutuan 2 urdhra ndalimi në ngarkim të shtetasve G. Gj., 40 vjeç, banues në Tiranë (organizatori i grupit) dhe A. K., 21 vjeçe, banuese në Durrës.

Burime zyrtare bënë me dije se janë shpallur në kërkim dhe po punohet për kapjen e shtetasve me inicialet; S. H. (alias E. L.), 31 vjeç; A. T., 33 vjeç; A. Rr., 27 vjeç dhe A. S., 35 vjeç.

Gjithashtu është arrestuar në flagrancë edhe shtetasi me inicialet E. H.

Gjatë kontrollit të ushtruar në banesën e tyre janë gjetur dhe sekuestruar në cilësinë e provave materiale sende të grabitura nga vendngjarjet. Procedimi penal në ngarkim të shtetasve të lartpërmendur ka nisur pasi, më datë 07.02.2021, në orët e para të mëngjesit dyshohet se të maskuar kanë vjedhur me dhunë një biznes në zonën industriale të qytetit të Durrësit.

Nga veprimet hetimore të kryera është dokumentuar se në bashkëpunim me njëri-tjetrin dyshohet se janë autorë të vjedhjes edhe të disa magazinave dhe bizneseve në qytetin e Durrësit dhe qytete të tjera. Po punohet intensivisht për dokumentimin e plotë të aktivitetit kriminal, kapjen dhe vënien para përgjegjësisë të të gjithë autorëve të implikuar. Materialet i kaluan Prokurorisë së Rrethit Gjyqësor Durrës, për veprime të mëtejshme./ CNA.al





Lajmet e fundit nga