web counter
LEXO PA REKLAMA!

SHKARKO APP

App Store
Google Play

Mashtruan për shpenzime, pezullohen 7 arbitra të Serisë A. Ja çfarë rrezikojnë…

21 Maj 2021, 11:39, Sport CNA

Prokuroria e Federatës Italiane të Futbollit ka hapur një hetim për disa parregullsi në rimbursimin e shpenzimeve në sektorin e arbitrimit.

Federata, në marrëveshje me Shoqatën e Arbitave, menjëherë ndërmori disa masa pas një raporti mbi parregullsitë administrative në lidhje me rimbursimet në të gjitha nivelet.

 

Sipas burimeve mediatike janë 7 persona të mundshëm të pezulluar: 3 gjyqtarë kryesorë dhe 4 asistentë. Sipas asaj që mësohet, përfundimi i veprimtarisë hetimore duhet të mbyllet në ditët në vijim.

Fabricio Paskua, Federiko la Pena dhe Ivan Robilta janë arbitrat kryesorë të Serisë A që mund të jenë pezulluar si masë paraprake, ndonëse nuk konfirmohet.

Sipas mediave italiane thuhet se arbitrat kanë ndihmuar disa skuadra për t?u ngjitur në Serinë A dhe mund të përjashtohen direkt për trukime ndeshje.

SHOQATA E ARBITRAVE ? Teksa vijojnë hetimet, Shoqata e Arbitrave Italianë ka reaguar pas lajmit. ?Në zbatim të transparencës maksimale kryesia e re e AIA-s (Shoqata e Arbitrave Italiane) ka nisur auditime të brendshme administrative dhe të kontabilitetit për pajtueshmërinë e rimbursim-shpenzimeve të paguara për aktivitetet teknike.

Nga kontrollet e kryera janë gjetur mospërputhje në përpilimet e hartuara. Presidenca e AIA-s ia ka dërguar dokumentacionin prokurorisë që në 21 prill. Në pritje të përfundimit të hetimeve, bashkëpunëtorët e përfshirë në këtë çështje janë pezulluar?, mbyllet njoftimi.





Lajmet e fundit nga