web counter
LEXO PA REKLAMA!

SHKARKO APP

E fundit!

x

Partizani merr "timonin" e Superiores, Skënderbeu 1 ndeshje larg mbijetesës

17 Maj 2021, 17:52, Sport CNA

Janë mbyllur 5 sfidat e luajtura për javën e 34-t të Kategorisë Superiore, teksa Partizani mposhti minimalisht 0-1 Teutën dhe merr kryesimin e kampionatit.

Të kuqtë ju falën golit të Çinarit për të marrë tre pikë të arta të cilat e ngjisin në krye të Superligës në kuotën e 62 pikëve,  me pikët të barabarta me Teutën, por Partizani kryeson në ndeshjet direkte ndaj durrsakëve.

Laçi dhe Vllaznia renditen direkt pas dyshes kryesuese me vetëm 2 pikë më pak, duke mbajtur të hapur kampionatin teksa kanë mbetur dhe dy ndeshje deri në fundin e tij.

Tirana me disfatën ndaj Laçit humbet dhe shpresat për zonën e Europës duke u renditur në vendin e 5-të në kuotën e 54 pikëve.

Kukësi nuk lëviz nga mesi i tabelës duke mbajtur vendin e 6-të në kuotën e 45 pikëve.

Interesante paraqitet situata në fundin e tabelës teksa Skënderbeu është afër të pamundurës pasi pozicionohet vë vendin e 7-të në kuotën e 34 pikëve, 4 më shumë se Bylisi i vendit të 9-të dhe 3 më shumë se Kastrioti i cili ndodhet një vend më poshtë. Ndërkohë tabela mbyllet me Apoloninë e cila luan pa objektiva pasi ka rënë nga kategoria.





Lajmet e fundit nga