web counter
LEXO PA REKLAMA!

SHKARKO APP

App Store
Google Play

VIDEO / La Liga vendoset në 90 minutat e fundit. Suarez mban Atletikon të parin, Barça del nga gara

16 Maj 2021, 19:40, Sport CNA

Titulli kampion i këtij edicioni në La Liga do të vendoset vetëm në javën e fundit të saj, por tashmë gara është ngushtuar në dy skuadra, Atletiko Madrid dhe Real Madrid, ndërsa Barça i ka dhënë lamtumirën shpresave të saj për të fituar trofeun.

Në javën e fundit në kryesim me avantazhin e 2 pikëve do të shkojë Altetiko Madrid, i cili e mbrojti me një fitore dramatike këtë pozicion. Në sfidën ndaj Osasunas, skuadra e Simeones vuajti shumë për tre pikët dhe deri në minutën e 82-të ishte në disavantazh dhe në teori me kryesimin e humbur. Goli i Renan Lodi i dha barazimin madrilenëve dhe pastaj erdhi goli i Luis Suarez në minutën e 88 për t?i dhënë fitoren dhe për ta kthyer përsëri në krye.

Real Madrid bëri detyrën, por me vështirësi me një fitore në fushën e Atletik Bilbaos, me suksesin 1-0 të vendosur nga goli i Naço në minutën e 68, i cili për rreth 15 minuta i dha shpresën ekipit të Zidan se mund të bënte mrekullinë dhe gjente kryesimin.

Ndërkaq, Barcelona ka kapitulluar sot në mënyrë të pabesueshme në fushën e vet ndaj Selta Vigos, duke u mposhtur me përmbysje 2-1. Mesi i dha shpejt avantazhin skuadrës së tij por Santi Mina barazoi shifrat në fundin e pjesës së parë dhe shënoi golin e fitores 2-1 në fundin e sfidës, kur Barcelona kishte mbetur me 10 lojtarë pas të kuqit të Lengle. Kështu, Barça shkon në javën e fundit jashtë luftës për titull dhe duke rrezikuar që të mbyllë edicionin në vendin e katërt, pasi Sevilja ka vetëm 2 pikë më pak.





Lajmet e fundit nga