web counter
LEXO PA REKLAMA!

SHKARKO APP

App Store
Google Play

E fundit!

x

Moviola e derbit/ Cinari offside, Tirana pretendon për dy penallti

14 Maj 2021, 12:57, Sport CNA

Është e rrallë që ndeshjet derbi mes Partizanit dhe Tiranës të kalojnë pa kontestime ose pa episode. Megjithatë, derbi i djeshëm i tillë ishte dhe rastet për kontestime, ishin inekzistente. Edhe pse në përgjithësi një ndeshje tepër korrekte, kishte disa momente ku pati protesta.

Në minutën e 14-të, erdhi momenti i parë disi i kontestuar. Ishte Tirana që kërkoi një penallti për një prekje me dorë të topit nga ana mbrojtësit të Partizanit, Eneo Bitrit. Por, gjyqtari Hamiti ishte aty pranë dhe tha që të vazhdohet loja. Kryesori i sfidës vendosi drejt, pasi nuk ishte penallti.

Në minutën e 32-të, është Çinari ai që gjen rrugën e rrjetës, por anësori Myftari e anulon për pozicion të parregullt. Fillimisht, u duk se sulmuesi i Partizanit ishte në pozicion të rregullt, por pamjet i japin të drejtë anësorit, që e anuloi saktë golin e sulmuesi të kuq.

Tri minuta më vonë, Tirana pretendon sërish për penallti, sërish për një prekje me dorë, por kësaj radhe nga ana e Belicës. Hamiti nuk akordon penallti dhe edhe një herë tjetër, kryesori vendos saktë.

Nëse rezultati 0-0 i derbit të kryeqytetit mes Partizanit dhe Tiranës ishte i tillë, kjo nuk ishte për shkak të arbitrimit, por për shkak të dy skuadrave që nuk rrezikuan.





Lajmet e fundit nga