web counter
LEXO PA REKLAMA!

SHKARKO APP

Fitore e kushtueshme? Te Milan në ankth për gjurin e Ibrahimoviç

10 Maj 2021, 09:47, Sport CNA

Milan mori një fitore të madhe në mbrëmjen e djeshme teksa mposhti me rezultatin 0-3, Juventusin. Kuqezinjtë tashmë janë më pranë kualifikimit aq shumë të dëshiruar në Ligën e Kampionëve. Por, fitorja ndaj bardhezinjve mund të ketë edhe një kosto të lartë duke qenë se Zllatan Ibrahimoviç ndjeu shqetësime në gju.

Suedezi u detyrua ta linte para kohe fushën e lojës teksa u zëvendësua në minutën e 66. Pas sfidës, trajneri Stefano Pioli theksoi se nuk bëhej fjalë për një dëmtim të rëndë, megjithatë vetëm analizat sot mund të tregojnë me saktësi shkallën e dëmtimit të sulmuesit.

Kështu, te Milan janë në ankth për lojtarin e tyre kryesor duke qenë se luhen ndeshjet vendimtare të sezonit. Sakaq, me mendjen në Itali janë edhe nga Suedia, duke qenë se Ibra është rikthyer në kombëtare dhe duhet të jetë pjesë e Europianit që nis në muajin qershor.





Lajmet e fundit nga