web counter
LEXO PA REKLAMA!

SHKARKO APP

App Store
Google Play

Vlahovic “Batistuta i ri”, Fiore gati të përfitojë maksimalisht nga shitja e tij

9 Maj 2021, 12:47, Sport CNA

Një bomber i huaj si Dusan Vlahovic nuk shihej në Firenze që nga koha e Gabriel Omar Batistutës dhe ndonëse krahasimi me ?Mbretin Luan? është ende i hershëm për t?u bërë, numrat e sulmuesit serb janë vërtetë impresionues.

Pas një starti sezoni jo në nivelin e duhur, me vetëm një gol në 11 ndeshjet e para, sulmuesi serb ka shpërthyer duke shënuar plot 20 herë në javët e ardhshme, duke shkuar në kuotën e 21 realizimeve, aq sa ka shënuar edhe një bomber si Romelu Lukaku.

Këto numra e vënë Vlahovic në vitrinën e futbollit europian dhe për shkak edhe të moshës në favor, klube të shumta janë vënë në lëvizje për të marrë shërbimet e tij, duke nisur nga Milani e Roma në Serinë A, për të vijuar më pas me Liverpool, Atletico Madrid e Liverpool.

Fiorentina ka një ?diamant në dorë?, por e di mirë që nuk mund ta mbajë gjatë në ?Artemio Franchi?, pasi kontrata e sulmuesit serb skadon në verën e 2023-shit dhe Rocco Commisso është gati të përfitojë nga ankandi i krijuar, për të fituar sa më shumë nga shitja e tij.

Çmimi minimal për kartonin e Vlahovic është 40 milionë euro, por golat e shumtë nga java në javë dhe përfshirja në garë e klubeve më të mëdha europiane, mund të bëjnë që Fiorentina të përfitojë deri në 60 milionë euro nga serbi.





Lajmet e fundit nga