web counter
LEXO PA REKLAMA!

SHKARKO APP

App Store
Google Play

E fundit!

x

Dorëheqjet në PD/ Edith Harxhi: Akt i përgjegjshëm politik, të shërbejë si shembull për Bashën

9 Maj 2021, 16:48, Politikë CNA

Pas humbjes në zgjedhjet e 25 prillit, kanë ardhur edhe reagimet e para në nivele të larta drejtuesish në PD.

Ndërsa emra të njohur në PD, ish themelues dhe anëtarë të saj, kërkojnë që vetë kryetari të marrë përgjegjësitë, sot  Sekretari Organizativ Sahit Dollapi dhe ai i Burimeve Njerëzore, Ervin Minarolli kanë dhënë dorëheqjen.

Dy qëndrime që tregojnë se tashmë  në PD ka nisur marrja e përgjegjësive dhe duhet të pasohen me dorëheqjen e vetë Lulzim Bashës.

Këto zhvillime brenda partisë janë komentuar dhe nga ish anëtarja e Këshillit Kombëtar të PD Edi Harxhi. Në një prononcim ekskluziv për CNA.al,  Harxhi u shpreh se ky është një zhvillim shumë i rëndësishëm, por vetëm fillimi në aspektin e marrjes së përgjegjësive.

Duke e konsideruar si një akt moral politik, Harxhi u shpreh se kjo duhet të shërbejë si shembull për kryetarin e partisë dhe sekretarin e Përgjithshëm.

?Janë të dy sekretarët më të rëndësishëm të Partisë Demokratike. Njëri sekretar Organizativ, tjetri për Burimet Njerëzore.

Natyrisht ky është një zhvillim shumë i rëndësishëm, sepse në momentin që dorëhiqen dy sekretarët më të rëndësishëm, do të thotë që ka nisur dorëheqja brenda selisë qëndrore të Partisë Demokratike. Unë uroj shumë që ky të jetë vetëm fillimi në aspektin e marrjes së përgjegjësive. Dhe i pari që unë besoj se duhet ta ndjeki patjetër tani është sekretari i Përgjithshëm i Partisë edhe vetë kryetari.

Dje ka pasur një reagim dhe nga ish sekretari Organizativ Eno Bozo i cili pothuajse ka qenë në një linjë për marrjen e përgjegjësive. Ka pasur një reagim tjetër që prej dy javësh të Bardh Kadillit që ka qenë dhe ai sekretar për Burimet Njerzore më parë.

Pra kemi filluar të shohim dalë nga dalë që po lëvizin, njerëzit po e kuptojnë që ata duhet të jenë vetë të parët që duhet të marrin përgjegjësinë politike për humbjen.

Uroj që kjo tani të jetë e qartë që dy njerëz që duhet patjetër të dorëhiqen janë sekretari i Përgjithshëm dhe kryetari i partisë për të marrë përgjegjësitë për humbjen.

Ajo që çfarë më bën çudi është fakti që sot dy zotërinjtë që janë dorëhequr dje apo sot, janë dorëhequr pothujse në një ditë me dorëzimin e dosjes në KQZ nga ana e Partisë Demokratike ku kërkohet ribërja e zgjedhjeve në 9 qarqe.

Kështuqë më duket pak interesant momenti që ata kanë zgjedhur për tu dorëhequr, megjithatë unë nuk kam informacion të mëtejshëm dhe nuk kam folur me dy zotërinjtë që i kam miq.

Unë shpresoj shumë që këtë akt moral, këtë akt të përgjgjegjshëm politik që bënë këta dy kolegë, ta bëjë edhe kryetari i Partisë Demokratike dhe sekretari i Përgjithshëm?, u shpreh Harxhi./CNA.al

PLAS NË PD/ Dy sekretarë dhe drejtues lokalë japin dorëheqjen

Detajet/ Pse u dorëhoq Sahit Dollapi, sekretari organizativ i PD





Lajmet e fundit nga