web counter
LEXO PA REKLAMA!

SHKARKO APP

App Store
Google Play

E fundit!

x

Mërgjyshi: Tirana humbi shansin për titull, komplimente Skënderbeut

3 Maj 2021, 12:01, Sport CNA

Trajneri Artan Mërgjyshi, i ftuar në studion e Sport News Plus ka bërë një analizë të Superiores për ndeshjet e djeshme teksa ka theksuar se Tirana pas barazimit me Bylisin, i ka humbur shanset për titull. Sakaq, Mërgjyshi komplimentin Skënderbeun për fitoren ndaj Kastriotit, ndërsa shton se krutanët nuk kontrolluan dot nervat.

?Tirana e humbi shansin për titullin. Në qoftë se do t?i fitonte të 6-ta ndeshjet e mbetura, do të kishte shanse. Është një kampionat shumë i vështirë, nuk ka ndeshje të lehta. Tirana duhet të fitonte vetë dhe të priste nga gabimet e kundërshtarëve. Thuajse e pamundur. 1 pikë i bëri mirë Bylisin, në përballjen me Tiranën.

Bardheblutë përballjet e radhës i ka me skuadra të vështira, që kanë interesa në kampionat. Tirana do të fokusohet te Europa. Derbi është një titull më vete.

Komplimente Skënderbeun, u rifut në garë, kur të gjithë mendonin se ata dhe Apolonia do të binin nga kampionati. Kastrioti e menaxhoi shumë keq ndeshjen. Presioni psikologjik ishte shumë i madh, kishin harruar që kishin 5 pikë avantazh, një barazim do e mbante diferencën.

Ata nuk kontrolluan dot nervat. Prodani doli me të kuq, dëmtoi skuadrën. Skënderbeu e menaxhoi mirë lojën. E mbajtën mirë topin, me kalimin e minutave, krijuan edhe besim. Morën fitore të fitore. Tani Kastriotit po i dridhet toka në këmbë. Skuadra është shumë e varur nga loja e De Silvës?, u shpreh Mërgjyshi.





Lajmet e fundit nga