web counter
LEXO PA REKLAMA!

SHKARKO APP

App Store
Google Play

VIDEO / Ronaldo shënon dy herë për t’i shpëtuar pankinën Pirlos në ditën më të zezë

2 Maj 2021, 18:25, Sport CNA

Juventusi ka fituar sot ndaj Udinezes në një ditë të zezë për klubin që nisi sfidën me sigurinë se rivalët e urryer të Interit ishin shpallur kampionë të Italisë. Një lajm i rëndë për skuadrën që e tregoi në fushë dhe po të mos ishte për reagimin e Ronaldos në fund të sfidës, mund t?i kishte dhënë lamtumirën ndoshta që sot edhe pranisë në Ligën e Kampioneve e trajnerit Andrea Pirlo.

Juventusi bëri një gafë të rëndë që në fillimin e ndeshjes duke i dhënë mundësinë De Paul që të ekzekutonte me shpejtësi një goditje dënimi duke gjetur Molina i cili çoi sferën në rrjetë për golin e avantazhit. Dibala e Bernardeski ishin thuajse të padukshëm në fushë, ashtu si edhe Ronaldo, por Pirlo nuk guxoi të ndërronte portugezin, por dy të tjerët. Një vendim që rezultoi i saktë pasi ishte CR7 ai i cili në fund të sfidës zgjidhi telashet e teknikut, të paktën për momentin.

Fillimisht ai fitoi një penallti të cilën e transformoi vetë për barazimin 1-1 në minutën e 83-të. Më pas, në minutën e 89, një harkim i Rabio gjeti pikërisht portugezin i cili shënoi me kokë duke vulosur fitoren 2-1 të skuadrës së tij që barazoi Atalantën e Milanin në kuotën e 69 pikëve, me tre skuadrat që ndajnë së bashku zonën Champions. Një sukses i rëndësishëm pak ditë para duelit direkt me Milanin, por sidomos për t?i dhënë kuptim pasdites së sotme ku të gjithë flitnin vetëm për suksesin e Interit dhe si mori fund hegjemonia disavjeçare e ?Zonjës së Vjetër?.





Lajmet e fundit nga