web counter
LEXO PA REKLAMA!

SHKARKO APP

App Store
Google Play

Plagosja e efektivit në Berat/ Flet dëshmitarja: Mikaeli nuk ka shfaqur asnjëherë probleme

1 Maj 2021, 18:05, Aktualitet CNA

Pasditen e djeshme qyteti i Beratit u trondit nga plagosja e një polici bashkiak nga 55-vjeçari Mikael Kurti, pasi ky i fundit kundërshtoi të ekzekutohet një vendim nga punonjësit e bashkisë.

Për këtë ngjarje, ka folur sot një dëshmitare e sherrit, Burbuqe Elezaj, e cila tregon se së bashku me djalin e saj të sëmurë jetojnë në një shtëpi me Kurtin dhe qiraja paguhej nga bashkia.

Ajo tha se 55-vjeçari është njeri i mirë dhe nuk ka shfaqur asnjëherë probleme.

?Mua më sollën me djalin në këtë banesë dhe disa muaj më vonë në një nga dhomat e shtëpisë sollën e strehuan edhe Mikaelin. Nuk e kuptoj sesi bashkia solli për të jetuar një burrë në një shtëpi ku jetoja unë me djalin dhe pa burrë. Fillimisht u tremba por Mikaeli ishte njeri shumë i mirë dhe nuk ka shfaqur asnjëherë probleme.

Dje erdhën rreth 15 punonjës të bashkisë për ta nxjerrë me forcë nga dhoma duke i thënë ?dil se e ke shtëpinë tënde gati, na çelësat?. Dëgjova Mikaelin që po i thoshte se shtëpia ishte shqyer dhe pa derë, filluan debatet dhe më pas pashë disa pika gjak që po rridhnin nga dora e njërit nga policët bashkiak. Pastaj erdhi furgoni dhe Mikaelin e rrahën keq policat dhe e futën brenda në furgon?, deklaroi Elezaj për mediat./ CNA.al





Lajmet e fundit nga