web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Largojeni nga Presidenca, të shpëtojë edhe vetë!

28 Prill 2021, 13:42, Politikë CNA

NGA SKIFTERI

Vetëm dy ditë. Kaq ka zgjatur “qetësia” e Metës, ndërsa dashuria iu kthye vetëm për Monikën. Dy ditë, të dielën e zgjedhjeve kur i dha procesit vlerësimin “10 me yll” dhe të hënën kur komisionerët numëronin votat dhe ky numëronte fletët bosh të bllokut.

Të tretë nuk e mbajti më. Në fillim tha se do të rikthehej në LSI në 2022, pasi të mbaronte mandatin, duke gëlltitur pa bukë dhe pa as ndonjë gotë verë pas turpin e fjalës së dhënë dhe të pambajtur.

Më pas filloi avazin e llazores së lagjes, duke sharë pa etikë, pa asnjë minimum norme edukate këdo që i kujton premtimin për të ikur.

Prandaj një thirrje ndaj kujtdo: Ju lutemi largojeni. Gjeni një mënyrë dhe largojeni nga Presidenca se kështu i hiqni shqiptarëve sikletin e të bërit palaço të institucionit më të lartë të vendit dhe familjes turpin e shndërrimit të burrit, babait, kryefamiljarit në objektin e talljes së gjithë botës.

Por më e rëndësishmja, largojeni që të shpëtojë edhe ai vetë nga ankthet dhe nga makthet, nga ëndrrat me beteja epike e fantomatike me mullinjtë e erës. Largojeni se i kurseni shqiptarëve neverinë dhe ndoshta i jepni një shans pastrimi edhe LSI-së për të ardhmen.

Largojeni nga ekranet, largojeni nga zyra, largojeni që edhe opozita e sotme të ketë një mundësi për pushtet nesër./CNA.al





Lajmet e fundit nga