web counter
LEXO PA REKLAMA!

SHKARKO APP

App Store
Google Play

Mashtronin duke iu marrë para qytetarëve/ Policia zbardh skemën

24 Prill 2021, 13:51, Kronika CNA

Operacioni ?Dërgesa e fundit?, ka vënë në pranga një person, ndërkohë që është shpallur në kërkim një tjetër.

Sipas policisë, dy shtetas në bashkëpunim me njëri tjetrin nëpërmjet mashtrimit iu merrnin qytetarëve shuma të konsiderushme parash me pretendimin që do të përfitoheshin nga kompani sigurimi shëndetësore jashtë vendit.

Njoftimi i Policisë:

Seksioni për Krimin Ekonomik dhe Financiar, në bashkëpunim me Prokurorinë e Rrethit Gjyqësor Tiranë, pas disa muaj hetimesh bazuar në informacione të siguruara në rrugë operative si dhe nga kallëzimet e bëra nga disa qytetarë të ndryshëm për 2 shtetas, të cilët nëpërmjet mashtrimit iu merrnin shuma të konsiderushme parash me pretendimin që do të përfitoheshin nga kompani sigurimi shëndetësore jashtë vendit ka organizuar dhe finalizuar operacionin policor të koduar ?Dërgesa e fundit?, si rezultat i të cilit u arrestua në flagrancë shtetasi :

M., 51 vjeç, lindur në Kosovë dhe rezident në shtetin e Zvicrës. Si dhe u shpall në kërkim bashkëpunëtorja e tij shtetasja R.B.

Këta shtetas në bashkëpunim me njëri- tjetrin, duke bërë dokumenta shëndetësore të falsifikuara iu kanë marrë disa shtetasve vlera të konsiderueshme të cilat kapin vlerën mbi 1 milion euro, me pretendimin që do të përfitoheshin nga kompani sigurimi shëndetësore kryesisht në Zvicër dyfishin e shumave që u jepnin këtyre personave.

Në cilësinë e provës materiale u sekuestruan dokumenta të ndryshme të kësaj veprimtarie kriminale si dhe 1 aparat celular./CNA.al





Lajmet e fundit nga