web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria është kthyer në një sulltanat të shpifur”/ Thirrja e fortë e Patozit

23 Prill 2021, 11:22, Politikë CNA

Koordinatori i Bindjes Demokratike, Astrit Patozi, është shprehur se, etja për pushtet e ka kthyer Shqipërinë në një sulltanat.

Patozi iu bën thirrje qytetarëve të ndjekin bindjen e tyre dhe do të kuptojnë se ata që kanë qeverisur më parë kanë pushtuar dhe po mbajnë peng politikën.

Në postimin e tij në rrjetin social, Patozi thekson se, Shqipërisë duhet t?i kthehet Republika.

“SHQIPËRISË DUHET T?I KTHEJMË REPUBLIKËN

Kanë kaq vjet që na ftojnë vetëm të rrëzojmë mbretin, se gjoja pas tij do të vijë një tjetër më i mirë, i cili nuk vjen kurrë, për të mos thënë se gjithmonë qëllon të jetë më i lig.

Dhe pastaj mërziten shumë me ne që u themi se nuk duam që të ketë mbret fare.

Sepse Shqipëria është kthyer vit pas viti në një sulltanat të shpifur, e gjitha në dorën e një njeriu. Një vend ku demokracia dhe shteti i së drejtës ekziston vetëm në letër.

Të paktën të imitojmë Francën, e cila e vrau një herë mbretin, por pastaj erdhi republika.

Nuk është kaq e vështirë për ta rifituar republikën, që kemi humbur, për shkak të babëzisë dhe etjes shtazarake për pushtet.

Ndiq bindjen tënde dhe do të kuptosh se 3 të parët, që kanë pushtuar dhe mbajnë peng politikën, janë njësoj.

Ndaj voto numrin 4, Bindjen Demokratike!“, shkruan Astrit Patozi./ CNA.al





Lajmet e fundit nga