web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 25 Prillit/ Komuniteti Mysliman i Shqipërisë tregon qëndrimin

15 Prill 2021, 18:13, Aktualitet CNA

Komuniteti Mysliman i Shqipërisë nëpërmjet një postimi në rrjetet sociale ka shprehur qëndrimin e tij neutral duke thëksuar se ajo që është e rëndësishme është procesi.

?Qëndrimi ynë për përkatësitë politikë është si gjithmonë, NEUTRAL, por ajo që është e rëndësishme për ne, është procesi. Ne dëshirojmë që fushata elektorale të kalojë e qetë dhe korrekte. Ju kujtojmë gjithë qytetarëve shqiptarë se, shitja apo blerja e votës, veç të tjerave, është edhe përçmim për dinjitetin njerëzor, ruani dinjitetin njerëzor pasi është amanet nga Zoti?, ka shkruar KMSH-ja.

Ndër të tjera ka shtuar se vota është shumë e shtrenjtë dhe ajo as nuk duhet të shitet as të blihet.

?VOTA është shumë e shtrenjtë, ajo nuk duhet të shitet, as të blihet. Shprehni qëndrimin tuaj ndaj alternativës që dëshironi, me vullnet të lirë, pa u intimiduar nga askush e pa intimiduar ju askënd! Ne urojmë dhe dëshirojmë që zgjedhjet e 25 prillit të jenë një hap përpara për Shqipërinë drejt integrimit europian, të jenë të lira dhe të ndershme dhe verdikti i popullit të lexohet e të pranohet nga të gjitha palët!

I lutemi Zotit që produkti i këtyre zgjedhjeve të jetë legjitim, i drejtë dhe i hajrit për popullin tonë?, shkruhet në status./ CNA.al





Lajmet e fundit nga