E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

10 ditë para zgjedhjeve, Rama hap “thesin” për stadiumin e Kukësit

15 Prill 2021, 18:50, Sport CNA

Në prag të zgjedhjeve vendore qeveria ka vendosur të japë miratimin për të akorduar fondin për rikonstruksionin e stadiumit ?Zeqir Ymeri?. Përfundimi i punimeve për stadiumin e ri të Kukësit ka mbetur peng edhe sot e kësaj dite, pavarësisht se pritej që diçka e tillë të ndodhte një vit më parë.

Në mbledhjen e Këshillit të Ministrave është vendosur që të lëshohet fondi prej 293 milionë lekësh, i cili do i japë fund pritjes së gjatë për të parë Kukësin të luajë në shtëpinë e tij, në stadiumin ?Zeqir Ymeri?./Halit Delibashi-Sport Ekspres/

VENDIMI I PLOTË:

Financimin e projektit ?rikonstruksioni i stadiumit të futbollit ?Zeqir Ymeri?, Kukës?

Në mbështetje të nenit 100 të Kushtetutës, të neneve 8, pika 2, dhe 31, të ligjit nr.79/2017, ?Për sportin?, të ndryshuar, të nenit 44, të ligjit nr.9936, datë 26.6.2008, ?Për menaxhimin e sistemit buxhetor në Republikën e Shqipërisë?, të ndryshuar, dhe të nenit 11, të ligjit nr.137/2020, ?Për buxhetin e vitit 2021?, të ndryshuar, me propozimin e ministrit të Arsimit, Sportit dhe Rinisë, Këshilli i Ministrave

V E N D O S I:

Financimin, në masën 293 000 000 (dyqind e nëntëdhjetë e tre milionë) lekë, nga fondet e buxhetit tështetit, për përfundimin e projektit ?Rikonstruksioni i stadiumit të futbollit ?Zeqir Ymeri?, Kukës?.

Fondi i miratuar, në masën 293 000 000 (dyqind e nëntëdhjetë e tre milionë) lekë nga fondet e buxhetit të shtetit transferohet nga llogaria ekonomike 231, programi buxhetor 08140 ?Sporti dhe rinia?.

Fondi transferohet nga Ministria e Arsimit, Sportit dhe Rinisë te bashkëfinancuesi i projektit, Federata Shqiptare e Futbollit, në llogari të saj, në një bankë të nivelit të dytë.

Fondi prej 293 000 000 (dyqind e nëntëdhjetë e tre milionë) lekësh, për financimin e përfundimit të projektit ?Rikonstruksioni i stadiumit të futbollit ?Zeqir Ymeri?, Kukës?, përballohet nga fondet e miratuara me ligjin nr.137/2020, ?Për buxhetin e vitit 2021?, të ndryshuar, për Ministrinë e Arsimit, Sportit dhe Rinisë.

Ministria e Arsimit, Sportit dhe Rinisë monitoron mbarëvajtjen e punimeve në këtë objekt, nëpërmjet një grupi pune me ekspertë, përfaqësues nga Bashkia Kukës, Federata Shqiptare e Futbollit dhe kompania projektuese.

Përbërja dhe detyrat e grupit të punës, si dhe procedura për transferimin kapital të objektit nga Federata Shqiptare e Futbollit te pronari i objektit, Bashkia Kukës, pas përfundimit të investimit, përcaktohen me urdhër të ministrit të Arsimit, Sportit dhe Rinisë.

Ngarkohen Ministria e Arsimit, Sportit dhe Rinisë, Ministria e Financave dhe Ekonomisë, Ministria e Infrastrukturës dhe Energjisë, Bashkia Kukës dhe Federata Shqiptare e Futbollit për zbatimin e këtij vendimi.

Ky vendim hyn në fuqi menjëherë dhe botohet në ?Fletoren zyrtare?.