web counter
LEXO PA REKLAMA!

SHKARKO APP

App Store
Google Play

E fundit!

x

Maliqi në krye, Gjergj Luca: Forca çuna, jeni kampiona

11 Prill 2021, 14:32, Sport CNA

Maliqi është duke bërë ligjin në Kategorinë e Dytë. Skuadra juglindore, shkatërroi me rezultatin 7-1 Skraparin në sfidën e zhvilluar ditën e sotme, duke marshuar drejt Kategorisë së Parë.

Kjo ecuri fantastike e maliqarëve, ka bërë krenar edhe biznesmenin e suksesshëm Gjergj Luca, i përveç investimeve madhore në ndërtimin e ?Fish Cityt?, do të mbështesë edhe aktivitet sportive, dhe më konkretisht ekipin e futbollit të Maliqit.

Luca ka reaguar pas marrjes së kreut ditën e sotme nga Maliqi, duke premtuar mbështetje të madhe për skuadrën që drejtohet nga Egli Malësija.

?Do të mbështes fort skuadrën. Që të jenë në kushte më të mira regjimi e trajtimi. Që Ligjin ta bëjë vërtet Maliqi. Bravo atyre të rinjve të talentuar dhe stafit. Kurajo e vendosmëri për të qëndruar në krye. Është një lojë që do kampion dhe kampiona janë të gjithë ata çuna. Do presin edhe pak dhe ligjin do e bëjë vërtet Maliqi?, u shpreh biznesmeni i suksesshëm pas marrjes së kryesimit nga skuadra maliqare.

Vlen të theksohet fakti se Maliqi është në vend të parë, me 1 ndeshje më pak se ndjekësit e Butrintit. Në sfidën e fazës së parë maliqarët triumfuan me rezultatin 0-1 në Sarandë. Me këtë ecuri të frikshme, ngjitja në Kategorinë e Parë duket një formalitet.





Lajmet e fundit nga