web counter
LEXO PA REKLAMA!

SHKARKO APP

App Store
Google Play

E fundit!

x

Luhen sot katër sfidat e Superiores, ja ekipet që zbresin në fushë

10 Prill 2021, 07:53, Sport CNA

Ditën e sotme do të luhen katër nga ndeshjet e fundit të fazës së tretë. Kampionati është futur në pikën kulmore dhe më vendimtare, teksa një ndeshje që që mund të thotë shumë për të ardhmen është ajo mes Laçit dhe Vllaznisë. Kurbinasit vijnë pas dy humbjeve radhazi dhe kërkojnë të rikthehen në krye të kampionatit, ndërsa shkodranët janë dy pikë para tyre.

Për të besuarit e trajnerit Bërdariç, fusha e Laçit është e vështirë, megjithatë për të triumfuar në kampionat duhen mposhtur rivalët e drejtpërdrejt. Nga ana tjetër, Tirana ka një ndeshje e cila mund ta konfirmojë si pretendente për titull. Bardheblutë luajnë në transfertë ndaj Skënderbeut.

Një takim shumë delikat për kryeqytetasit duke qenë se vendasit janë të etur për pikë dhe në javët e fundit kanë bërë mirë. Ndërkaq, Kukësi në krizë shkon në Kamëz, ku do të përballet me Kastriotin. Një ndeshje e vështirë për verilindorët duke qenë se tensioni në kampin e tyre prej mungesës së rezultateve është i lartë. Një disfatë do të bënte që edhe krutanët t?i kalonin në renditje dhe më pas për Kukësin mund të diskutohej edhe mbijetesa.

Sakaq, Teuta e vendit të parë luan ndaj Apolonisë në transfertë. Durrsakët do të kërkojnë të shmangin hapat fals, edhe pse vendasit kanë nevojën e madhe të pikëve.

Ndeshjet:

13:00 Kastrioti-Kukësi

13:09 Skënderbeu-Tirana

16:00 Apolonia-Teuta

16:00 Laçi-Vllaznia





Lajmet e fundit nga