web counter
LEXO PA REKLAMA!

SHKARKO APP

App Store
Google Play

“Do rihapim filialin universitar të Dibrës”/ Basha: Arsimi është prioriteti ynë

10 Prill 2021, 09:51, Politikë CNA

Kryedemokrati Lulzim Basha në një takim me intelektualët në Dibër është shprehur se në programin e Partisë Demokratike arsimi ka një prioritet absolut.

?Mbyllja e filialit të Peshkopisë ndihet. Është shkulur padrejtësisht ajo që do të ishte një vatër, e jo më kot në programin tonë kemi vendosur arsimin e lartë si një prioritet absolut. Ditët e fundit kam qenë në kontakt me institucionet evropiane dhe universitetet evropiane, që do të na ndihmojnë ta bëjmë këtë prioritet realitet.

Duke na vënë në dispozicion trajnues, që do të përgatisin jo vetëm studentët, por edhe pedagogët. Zonat e braktisura në mënyrë kriminale siç është Veriu dhe Verilindja ku emigracioni ka marrë përmasa të mëdha.”, u shpreh Basha.

Më tej, ai shtoi se  Rruga e Arbrit do të nxisë shkëmbimin ekonomik ndërmjet Dibrës dhe kryeqytetit.

?Padiskutim përfundimi i rrugës së Arbrit do ta bëjë Dibrën një nga qendrat më të afërta me kryeqytetin dhe do të nxisë shkëmbimin ekonomik. Nga ana tjetër kjo do të sjellë një ndihmë të madhe për bujqësinë, pemëtarinë dibrane, produktet që janë me namë nga përbërja e tyre unike.

Por i ka munguar subvencionet, vëmendja e gjithanshme e shtetit duke përfshirë investimin e personave të specializuar, agronomëve, fermerëve, që bëjnë të mundur që dibranët të krijojnë mirëqenie dhe rikrijuar traditën e jetës me tokën.? , u shpreh Basha.





Lajmet e fundit nga