web counter
LEXO PA REKLAMA!

SHKARKO APP

App Store
Google Play

E fundit!

x

Heqja e pasaportave diplomatike për Kombëtaren/ Meta: Hakmarrje primitive, vendim absurd!

6 Prill 2021, 09:49, Aktualitet CNA

Presidenti Ilir Meta, ka reaguar për ndërprerjen e vlefshmërisë së pasaportave diplomatike për Kombëtaren tonë të futbollit, duke e cilësuar këtë një vendim të paprecedentë dhe një hakmarrje primitive.

Sipas, Metës është absurde të pengohen të mbajnë pasaportë kuqezinjtë që e futën Shqipërinë në Europë dhe na bënë të gjithëve krenarë.

Gjithashtu Meta thekson se është i bindur se me 25 prill do të përfundojë koha e vendimëve autoritare, arrogante dhe përjashtuese.

?Vendimi i pabesë për ndërprerjen e vlefshmërisë së pasaportave për Kombëtaren tonë të futbollit është i paprecedent dhe një hakmarrje primitive, për shkak të qëndrimeve kritike të disa futbollistëve për sportin. Është absurde të pengohen të mbajnë pasaportë, kuqezinjtë, që e futën Shqipërinë në Europë dhe na bënë të gjithëve krenarë, ndërkohë që vazhdojnë ta mbajnë atë faqezinjtë, që na lanë jashtë Europës dhe që po na turpërojnë. Jam i bindur se më 25 prill 2021, do të përfundojë koha e vendimeve autoritare, arrogante dhe përjashtuese. Ky vendim i Qeverisë ende në detyrë do të përmbyset dhe nderimi për kuqezinjtë, që na çuan në Europë do të mbetet i pacenuar?, shkruan Meta./CNA.al





Lajmet e fundit nga