Shfaqi probleme shëndetësore/ Ardian Çapjas i bëhet gjyqi në spital

1 Prill 2021, 09:25, Aktualitet CNA

Ardian Çapja i cili u arrestua 5 ditë më parë nga forcat e policisë, është dërguar në ambientet e spitalit të radiokirurgjisë në Tiranë, pasi ka shfaqur probleme shëndetësore.

Ndërkohë Çapjas pritet t?i komunikohet nga spitali edhe masa e sigurisë. Në ambienetet e jashtme të spitalit janë forca të shumta të policisë, për të siguar jetën e Çapjas përshkak të kaluarës së errët që ai ka.

Kujtojmë që edhe në momentin e arrestimi, Çapja nuk bëri rezistencë ndaj forcave të RENEA-s dhe FNSH-së gjatë kryerjes së operacionit, ndërsa ai pretendonte se kishte probleme me shëndetin dhe kërkoi nga forcat blu ta dërgonin në spital.

53-vjeçari Ardian Çapja një emër i njohur si i përfshirë në një sërë ngjarjesh kriminale në Elbasan është vënë në pranga të dielën e 28 marsit, ndërsa është shpallur në kërkim nipi i tij Florenc Çapja, 40 vjeç.Ata akuzohen për vrasjen e dyfishtë të Gentian dhe Nezir Beqirit të ndodhur në 2012-n në këtë qytet. Mësohet se arrestimi është bërë pas dëshmisë së një bashkëpunëtori të drejtësisë të arrestuar pak kohë më parë në këtë qytet.

Vrasja e Gentian dhe Nezir Beqirit u krye në banesën e tyre pasi i riu ishte i paralizuar dhe në arrest shtëpie. Edhe pse ruhej me policë në hyrje të shtëpisë autorët mundën të shmangnin kontrollet dhe të kryenin krimin. Të arrestuar për këtë ngjarje janë Ervis Bardhi, Olsi Leku, Etjen Cani dhe Klajdi Dokoli. Nga dëshmitë e tyre thuhet se vrasja u urdhërua nga 53-vjeçari Ardjan Çapja pasi Gentian Beqiri akuzohej si autor i ekzekutimit të biznesmenit Sokol Çapja në Dhjetor të vitit 2005.

Emri i Ardian Çapjes ka dalë shpesh në skedat e policisë së Elbasanit ku ai është shoqëruar disa herë. Vetëm në vitin 2017 ai u ka shpëtuar 3 atentateve me armë dhe eksploziv. Atentati i fundit iu bë në qershor të vitit të kaluar kur u qëllua me snajper nga një kodër përballë shtëpisë së tij, por edhe pse u plagos arriti të shpëtojë. Përplasjet e Çapjave me grupe të tjera në Elbasan kanë shënuar një sërë viktimash ndër vite. Gjatë kontrollit në banesën e Ardian Çapes u gjet një armë kallashnikov që mbahej pa leje./CNA.al