web counter
LEXO PA REKLAMA!

SHKARKO APP

App Store
Google Play

“Bashkimi u rrit jetim”/ Sadik Bejko: Finua mbeti njeriu i pajtimit

29 Mars 2021, 11:38, Aktualitet CNA

Profesor Sadik Bejko ka shprehur ngushëllimet për ndarjen nga jeta të politikanit, Bashkim Finos.

Bejko thotë se Fino u rrit jetim dhe trashëgoi nga i ati sëmundjen e zemrës. Sipas Bejkos, në politikën shqiptare Finua mbeti njeriu i pajtimit, që nuk krijonte artificialisht mure e armiqësi.

?Sot një lajm i hidhur mbërriti herët, bashkë me rënien e dritës. Ka vdekur nga Covid 19 Bashkim Fino.
Bashkim Fino në vitet 1992-95 ka qenë kryetar bashkie për Gjirokastrën. Kryeministër i qeverisë së Pajtimit Kombëtar më 1997. Më pas deputet, ministër, anëtar i kryesisë së P. S. Një ditë më parë paska vdekur nëna e tij, Rebua, e cila që nga mosha 19 vjeçe u lidh përjetë me birin e vetëm, Bashkimin, që i shoqi ia la 6 muajsh më bark.

Bashkimi u rrit jetim. U rrit me një paracaktim, (trashëgoi nga i ati sëmundjen e zemrës), shëndetsor fatal. Ai ishte financier. I ri kur hyri në politikë. Dhe ishte mendjehapur. Ishte i pari kryebashkiak socialist që priti zyrtarisht presidentin demokrat Berisha më shiritin kuqezi të funksionit të tij. Më pas u bë Kryeministër i vitit 1997. Kryeministër pa ndonjë përvojë politike. Pa njohuri politike. Dhe ai mbeti një njeri i buzëqeshur edhe në situatat më të ndera. Ai gjithmonë do të rrezatonte ngrohtësinë e një mirësie të lindur.

Në politikën shqiptare në ngërç, të tensionuar Finua mbeti njeriu i pajtimit, që nuk krijonte artificialisht mure e armiqësi. Dhe ai njëherësh ishte një socialist i patundur në bindjet e tij. Kam bashkëpunuar me të rreth 30 vjet më parë. Ngushëllime familjes miqve. Lamtumirë Bashkim Fino?, shkruan Bejko./CNA.al





Lajmet e fundit nga