web counter
LEXO PA REKLAMA!

SHKARKO APP

App Store
Google Play

“Prisja një debat mes krerëve politikanë”/ Fuga flet për Portin e Durrësit

26 Mars 2021, 18:44, Aktualitet CNA

Akademiku Artan Fuga përmes një postimi në rrjete sociale ka folur pë Portin e ri të Durrësit, që pritet të ndërtohet nga investitorët e huaj.

Sipas Fugës, ?zhurma? e madhe e realizimit të Portit nuk duhet të bëhej pasi jo gjithmonë madhësia për akademikun është e mirë. Fuga shton se Shqipërisë i duhet një shembull si i Holandës apo Belgjikës, me gjëra të vogla dhe hipomoderne.

Akademiku theksoi se kërkon një debat mes krerëve politikanë, pasi sipas tij nga planet për Durrësin po dridhet dhe Torra në Durrës, duke qënë dhe zonë tërmetesh.

?Durrësi si Dubai
Dëgjova që porti i Durrësit kanë projekt ta kthejnë më të madhin në Mesdhe. Investime nga ata që kanë bërë gjërat më të mëdha të kësaj bote. Si porti i Dubait!
Po, mirë mo, mirë shumë, me hajër!

Por nuk kuptoj se përse na duhet një gjigandomani e tillë? Se madhësia jo gjithmonë është e mirë më vete! Janë bërë llogaritë kush do hyjë dhe dalë që andej! I madh dhe i thellë për çfarë? Se mos na e kthen gjithë zonën në depo karburantesh, Durrësin në magaze mallrash, dhe zonën Kashar – Tiranë në parking kamionash!

A ka pyetur njeri nëse janë të lumtur arabët e Dubait?
Se aty në zonat petroliere tjetër model zhvillimi ka! Ne nuk jemi si ata fare! Lëre pastaj se mos bëhemi ne si shoqëri me marrëdhënie mes sheikësh dhe gjyhnafqarësh!
Këtë duam ne! Ne duam të bëhemi si europianë, tani porti si Dubai! Apo e orientojmë universitetin e Durrësit të hapi kurse trajnimi për hamej porti!
Ne na duhen gjëra të vogla, hipermoderne, për zhvillimin tonë! Pse budallaqe janë Hollanda, Danimarka, Belgjika, etj., që nuk bëhen si Dubai.
Unë e di se çfarë ndodh, por do prisja një debat për këtë çështje mes krerëve të politikës! Të marrim vesh, se po dridhet edhe Torra në Durrës, apo nuk është zona tërmetesh?, tha Fuga në postimin e tij./CNA.al





Lajmet e fundit nga