web counter
LEXO PA REKLAMA!

SHKARKO APP

App Store
Google Play

Xhafaj zbardh “prapaskenat”/  Ka pasur zëra kundër Reformës në Drejtësi brenda PS

22 Mars 2021, 22:13, Politikë CNA

Ish-ministri i Brendshëm, Fatmir Xhafaj, ka zbardhur mbrëmjen e sotme prapraskenat në Partinë Socialiste për Reformën në Drejtësi.

Xhafaj tha se disa anëtarë të PS-së kanë qenë kundër Reformës në Drejtësi, por nuk preferoi të flasë me emra.

Sipas tij, zërat kritikë ishin kundër mënyrës së ideimit të projektit dhe jo kundër reformës në tërësi.

“Ka pasur dhe brenda PS që nuk kanë qenë pro reformës në Drejtësi. Ka pasur në atë kohë për mënyrën se si është konceptuar. Jo kundër reformës, por për projektin. Për ideimin e projektit?, u shpreh ai në emisionin ?Real Story?.

Më tej, ish-ministri deklaroi se Reforma në Drejtësi kishte mbështetjen e grupit parlamentar të PS-së, pasi theksoi se nëse do ishte e kundërta, reforma nuk do të shkonte deri në fund.

?Ajo reformë ka pasur mbështetjen e atij grupi parlamentar të PS. Nëse s?do të kishte mbështetjen e grupit parlamentar, të kryetrarit të PS, ajo reformë nuk do të shkonte deri në fund. Mos të bëhemi naiv. Ata nuk kanë qenë të përfshirë, por kanë qenë të rreshtuar aty në mbështetjen e këtij projekti. Brenda këtij grupi ka pasur mendje që mendonin ndryshe nga unë dhe skuadra që punoja unë për projektin. Ka dhe sot njerëz që mendojnë; ?dje ata, sot ne?. Ata kanë qenë në autobus.

Do vijë dita që do të përballen me këtë gjë. Do vijë dhe dita kur të përballen me këtë gjë, dhe do të thyejnë dhe hundët. I kam kushtuar 20 vite të jetës time kësaj reforme. Nuk është fakt i panjohur, i kam vuajtur pasojat e kësaj. Për këtë shkas më janë bërë. E di unë, dhe partnerët, dhe kolegët. Kam qenë i përgjegjshëm, i përgatitur më shumë se kaq. Nuk është më prioritare mbrojtja e tyre, por eficensa e tyre. Institucionet e reja duhet të përballen me qytetarët. Janë më të paguarit në vend. Është buxheti i taksave të qytetarëve?, nënvizoi Xhafaj./ CNA.al





Lajmet e fundit nga