web counter
LEXO PA REKLAMA!

SHKARKO APP

App Store
Google Play

Zbardhja e vrasjes së Behar Sofisë/ Veliu takim me strukturat e policisë në Tiranë

16 Mars 2021, 14:52, Kronika CNA

Drejtori i Përgjithshëm i Policisë së Tiranës, Ardi Veliu gjatë një takimi me strukturat ka falenderuar policinë për kontributin që ata kanë dhënë në zbardhjen e ngjarjes të vrasjes së Behar Sofisë.

Veliu në fjalën e tij shprehet se strukturat kanq qënë modele bashkëpunimi duke treguar profsionalizëm në punë në këtë ngjarje kriminale.
Ai më tej ka falenderuar dhe kolegët në Malin e Zi, duke shtuar që ky mision nuk do të ishte zgjidhur pa ndihmën dhe mbështetjen e tyre.

?E ndjej detyrim moral, por edhe përgjegjësi, që si Drejtor i Përgjithshëm i Policisë së Shtetit t?ju falënderoj dhe t?ju inkurajoj për punën e jashtëzakonshme profesionale, por edhe angazhimin fizik, pasi për 15 ditë rresht të gjithë ju keni punuar minimalisht 16 deri në 20 orë në ditë. Puna në grup, koordinimi i veprimeve, shkëmbimi i informacioneve dhe besueshmëria mes strukturave ka funksionuar maksimalisht, duke çuar në rezultatin final zbardhjen e ngjarjes, identifikimin, lokalizimin dhe kapjen e 4 vrasësve.

Nëpërmjet jush, duke marrë si pikë referimi të gjithë elementët e funksionimit gjatë punës voluminoze 15-ditore, dua të inkurajoj të gjithë strukturat e Policisë së Shtetit që modele të tilla bashkëpunimi, koordinimi e profesionalizmi të jenë sa më shumë, pasi zbardhja e çdo ngjarjeje kriminale, së pari çon në parandalimin e ngjarjeve të tjera dhe së dyti rrit besimin e qytetarëve te Policia, që është shumë i nevojshëm në përmbushjen sa më mirë të detyrave funksionale gjatë punës sonë.
Njëkohësisht, i kam përcjellë kolegëve të Malit të Zi, falënderimet më të sinqerta, pasi në rast se nuk do të kishim gjetur gatishmërinë dhe dashamirësinë e kolegëve tanë në Malin e Zi, nuk do të kishim bërë dot të mundur kapjen e autorit kryesor të ngjarjes, i cili fshihej në Malin e Zi. Shkëmbimi i informacionit mes nesh dhe Policisë malazeze, angazhimi serioz i tyre bëri të mundur që edhe kjo fazë e operacionit të përmbyllej me sukses”, tha Veliu./CNA.al





Lajmet e fundit nga