E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Si funksionon vaksina Astra Zeneca?/ Çfarë teknologjie përdoret?

11 Mars 2021, 14:51, Lifestyle CNA

Nga Dr. Blerta Brati, mjeke mikrobiologe pranë ISHP

Ndryshe nga vaksinat Pfizer dhe Moderna, të cilat përdorin të dyja një teknologji inovative të ashtuquajtur “messenger RNA” që nuk është aprovuar kurrë tek njerëzit deri më sot, vaksina e AstraZeneca përdor një proces vektori tradicional, viral të quajtur “Mburoja Covid”.

E quajtur ChAdOx1, gjatë fazave I dhe II, pastaj AZD1222 në fazën III, vaksina Astrazeneca / Oxford përbëhet nga një adenovirus shimpanze (familje virusesh që transmetohet nga rruga fekale-orale), e modifikuar për të qenë e padëmshme për njeriun. Nuk ka replikim tek njerezit sigurojne studiuesit.

U preferua zgjedhja e një adenovirusi majmunësh në mënyrë që trupi i njeriut të mos kishte zhvilluar tashmë një përgjigje imune. Shkencëtarët kanë injektuar një pjesë nga koronavirusi Sars-COv 2 në gjenomën e këtij virusi, ( në ADN) ,gjë që bën të mundur riprodhimin e proteinës Spike. Identifikohet si çelësi që lejon virusin të hyjë në qelizat njerëzore. Kjo metodë bën të mundur sjelljen e një reaksioni imunitar si nga prodhimi i antitrupave ashtu edhe nga zbatimi i një funksioni memorie të qelizave të caktuara duke lejuar aktivizimin e mbrojtjes në rast sulmi.

Sa doza?

Vaksina Astrazeneca kundër Covid-19 administrohet me injeksion intramuskular në dy doza.Prodhuesi rekomandoi që doza e dytë të jepet ndërmjet 4 dhe 12 javësh (28 deri 84 ditë) pas dozës së parë.

Rezultatete deritanishme kane treguar se njerëzit që tashmë janë prekur nga koronavirusi do të kishin marrë të njëjtën efektshmëri nga doza e parë si ata që morën dy doza.

Më shumë kërkime kanë nevojë për të konfirmuar këtë kujtesë të mundshme imune.

Sot, vaksina mund të administrohet për:

Grupet 18-49 vjeç me një sëmundje shumë të rrezikshme të një forme të rëndë të Covid-19 te mundur.

Grupet 50-74 vjeç me një sëmundje me rrezik shumë të lartë të një forme të rëndë të Covid-19 ose bashkëshoqëruese.

Grupet mbi 75 vjeç.

Substancat ndihmëse të pranishme në vaksinë:

L-Histidine

Monohidrat hidroklorur L-histidinë

Klorid magnezi heksahidrat

Polisorbate 80

Etanol (2 mg në një dozë)

Saharoze (sinonim: saharoze)

Klorid sodium

Dihidrat natriumi edetat

Ujë për injeksion

Si ruhet?

Ndryshe nga vaksinat nga Pfizer / BioNTech dhe Moderna të cilat kërkojnë ruajtje me temperaturë ultra të ulët (përkatësisht (midis -60 ° C dhe -80 ° C) dhe (-20 ° C), AZD1222 duhet të transportohet dhe ruhet në temperatura midis 2 dhe 8 ° C. Prandaj është më e lehtë për tu ruajtur.

Vaksina është treguar të jetë rreth 60% efektive në provat klinike.

Vaksina AstraZeneca tregoi një efikasitet prej 85% për moshat 18-64 vjeç, 79% për 65-79 vjeç dhe 81% për ata mbi 80, 28 deri në 34 ditë pas injeksionit të parë. Ai uli rrezikun e shtrimeve në spital me 94% (pas dozës së parë) dhe u administrua kryesisht njerëzve mbi 65 vjeç.

Rezultatet e vaksinës AstraZeneca janë shumë të mira “kundër variantit britanik të koronavirusit.

Provat e deritanishme tregojne se vaksina AstraZeneca “ofron mbrojtje minimale kundër infeksionit të lehtë deri të moderuar” nga Covid-19 me variantin e Afrikës së Jugut me një efikasitet mesatar prej 22%.

Per efikasitetin ndaj variantit brazilian ende ska te dhena.

Cilat janë kundërindikacionet?

Njerëzit me një histori të reaksionit alergjik të rëndë ndaj ndonjë përbërësi të vaksinës nuk duhet të vaksinohen me vaksinën AstraZeneca.