web counter
LEXO PA REKLAMA!

SHKARKO APP

App Store
Google Play

E fundit!

x

Metani i “kërcet dhëmbët”, Enkeleida Hoxhës/ Pritet vendimi i KLGJ

11 Mars 2021, 09:53, Aktualitet CNA

Gjyqtarja Enkelejda Hoxha po përballet sot me Inspektorin e Lartë të Drejtësisë në Këshillin e Lartë Gjyqësor (KLGJ) për vendimin për për shkarkimin ose jo të saj.

Inspektori i Lartë i Drejtësisë Artur Metani tha se magjistratja cënoi parimin e paanësisë së gjykimit, nuk respektoi kriteret për amnistinë dhe se në 5 procese kishte mungesë në arsyetimin e vendimeve, duke kërkuar shkarkimin nga detyra.

Metani në përfundim të këtij procedimi disiplinor, si për sa i përket fakteve të provuara dhe pretendimeve të paraqitura nga ana e magjistrates, përfundimisht vlerësoi se gjatë këtij procedimi disiplinor rezulton e provuar se:

–Nga ana e magjistrates Enkeleida Hoxha janë ndërmarrë veprime/mosveprime të cilat kanë të bëjmë me mosrespektim të rëndë dhe të vazhduar të legjislacionit material dhe procedural penal
-Nga ana e magjistrates Enkeleida Hoxha, nuk janë marrë prova vendimtare për zgjidhjen e çështjes duke cënuar parimin e paanësisë së gjykimit
-Nga ana e magjistrates Enkeleida Hoxha i është atribuar dhënia e cilësive të ndryshme, herë si i paraburgosur dhe herë si i dënuar, gjatë periudhave të njëjta në funksion të pranimit të çdo kërkese të paraqitur nga ana e të njëjtit kërkues;
-Nga ana e magistrates është aplikuar ulja e njëkohshme e dënimit për periudha më të gjata se periudha 12 mujore e vlerësimit të parashikuar në Ligjin nr. 8328/2008 ?Për të drejtat dhe trajtimin e të dënuarve dhe të paraburgosurve?, i ndryshuar.
-Nga ana e magistrates nuk janë respektuar kriteret ndaluese për përfitim amnistie
-Në 5 procese gjyqësore është konstatuar një mungesë thelbësore në arsyetimin e vendimeve gjyqësore
-arrihet në konkluzionin se veprimet/mosveprimet e ndërmarra nga ana e magjistrates Enkeleida Hoxha janë aq serioze sa kanë cenuar vlerat themelore të saj; besimin që magjistrati duhet të përcjellë te publiku në përmbushjen e misionit dhe rolit të tij në dhënien e drejtësisë; kanë diskretituar rëndë figurën dhe pozitën e gjyqtarit dhe kanë ulur dinjitetin e organit që përfaqëson duke e bërë atë të pa denjë për vazhdimin e ushtrimit të funksionit të magjistratit.
kërkojmë nga Këshilli i Lartë Gjyqësor:
Të administrojë provat e paraqitura nga ana e Inspektorit të Lartë të Drejtësisë në këtë procedim disiplinor
Të pranojë kërkesën e Inspektorit të Lartë të Drejtësisë për fillimin e procedimit disiplinor ndaj magjistrates Enkeleida Hoxha, me detyrë gjyqtare pranë Gjykatës së Rrethit Gjyqësor Krujë për shkeljet disiplinore të parashikuara nga neni 140, pika 2, shkronja ?a? e Kushtetutës së Republikës së Shqipërisë dhe nga neni 102, pika 1 shkronjat ?ç? dhe ?dh? dhe neni 102, pika 2, shkronjat ?a? dhe ?c?, të Ligjit nr. 96/2016 ?Për statusin e gjyqtarëve dhe të prokurorëve në Republikën e Shqipërisë?, të ndryshuar dhe caktimin ndaj saj të masës disiplinore ?Shkarkim nga detyra?./CNA.al





Lajmet e fundit nga