web counter
LEXO PA REKLAMA!

SHKARKO APP

App Store
Google Play

E fundit!

x

Basha në provë/ Kush fiton në Vlorë, Luli apo Leskaj?

10 Mars 2021, 17:34, Politikë CNA

Dje në një mbledhje të kryesisë, të degës së Partisë Demokratike në Vlorë, ka ndodhur një e papritur , i deleguari i Partisë Demokratike, dhe i emëruari si drejtuesi i fushatës, i pari i listës së këtij qarku, Bujar Leskaj ka dhënë dorëheqjen pas publikimit të listës zyrtare.

Në fakt, jo me një dalje publike të Lulzim Bashës, por si gjithmonë në mënyrë të përsëritur në mesnatë duke dorëzuar listat, në mënyrë të beftë dhe duke i mbajtur ato sekrete deri në momentin e fundit.

Burime zyrtare i thanë CNA.al se Leskaj pas marrjes së dijenisë se kur do hidheshin emrat, ka pasur një telefonatë të ashpër me Lulzim Bashën, gati konfliktuese, me tone të larta dhe ka theksuar se Agron Shehaj nuk mund të përgatisë listën e qarkut të Vlorës.  Tashmë është Leskaj ai që drejton fushatën, dhe ermrat duhet të jenë ata që dega ka kërkuar për të përfaqësuar demokratët vlonjatë dhe për të maksimalizuar votën.

Basha e ka refuzuar, nga ana tjetër i ka thënë se do të bëhet më e mira por në fund ka dalë lista që ka preferuar Agron Shehaj. Më tej debati ka çuar në lajmërimin e bërë nga Leskaj për të mbledhur kryesinë. Dje në Tiranë ka qenë dhe Genc Deromemaj, kreu i PD-së së Vlorës i cili ka zhvilluar takimin, situata ka vazhduar e tensionuar dhe në mbledhjen e mbrëmjes të kryesisë, Leskaj ka dhënë dorëheqjen dhe ka thënë se nuk e drejton fushatën me këtë listë kandidatësh.

Të njëjtin qëndrim ka mbajtur dhe Deromemaj, në bllok i është përgjigjur dhe kryesia.

Menjëherë në Vlorë dje në mbrëmje është nisur Agron Kuliçaj, ish drejtori i Policisë së Shtetit  i cili është justifikuar se ka qenë për qefet e tij dhe një ndeshje futbolli me Leskajn. Në fakt Leskaj ka qënë në mbledhje kryesie dhe ka dhënë dorëheqjen dhe për këtë janë të paktën 30 dëshmitarë, ka dhe foto. Këtë nuk e ka mohuar ende Bujar Leskaj, pasi të paktën ka më shumë burrëri se sa Lulzim Basha dhe ata qe i vijnë vërdallë. Filluan dhe diskutimet, ka qenë esëll apo i dehur në dorëheqjen e tij, por në fakt Leskaj ka qenë stoik në reagimin që ka mbajtur  dhe mesaduket nuk ka pranuar që të tërhiqet nga vendimi i marrë.

Tani jemi përballë një fakti, do tërhiqet Bujar Leskaj apo Lulzim Basha? Kush do ta fitojë betejën e brendshme të DP në Vlorë? Drejtuesi politik i qarkut i cili kërkon të maksimalizojë votat dhe të ketë një listë cilësore apo do të  jetë lista e Lulzim Bashës, e intrigave të familjes pa folur për aludimet e dhëna se disa emra në listë mund të kenë paguar para për të hyrë atje.

Prandaj ngelet për të parë a do të zbythet Lulzim Basha në variantin më të mirë të mundshëm të ndryshimit të listës të cilën ka kohë ta bëjë për 48 orë pasi ajo është kthyer në KQZ apo do të zbythet Bujar Leskaj dhe të gjithë lajmin dhe zhurmën qe e nxori ai vetë nga mbledhja e kryesisë për ta shpërndarë në media, do ta gëlltisë, do t’i dali e pira ashtu si thanë drejtuesit e PD në qendër se Leskaj kur kishte dhënë dorëheqjen ishte tapë.

Prandaj për të mësuar të vërtetën ne na duhet maksimumi dy ditë. Ka qënë esëll apo i dehur Bujar Leskaj në qëndrimin që do mbajë, pra në dorëheqjen e tij fianale në rast se lista nuk ndryshon, apo Lulzim Basha do të reflektojë dhe do ndryshojë listën. Kush do zbythet i pari dhe kush do fitojë në Vlorë na duhet dhe pak orë për ta mësuar.

Demokratet e Vlorës janë të shqetësuar shumica, e tyre beson se pas reagimit dhe kërcënimit për dorëheqje nga strukturat drejtuese dhe Leskaj, qëndron Ilir Meta. Dobësimi dhe përçarja e tyre çon votat tek LSI, kjo është e rëndë dhe e pa pranueshme thonë ata./CNA.al

 

 

 

 





Lajmet e fundit nga