web counter
LEXO PA REKLAMA!

SHKARKO APP

App Store
Google Play

A do të ketë kufizime të tjera pas rritjes së rasteve pozitive?/ Eugena Tomini jep përgjigjen

23 Shkurt 2021, 14:48, Aktualitet CNA

Vendi jonë po përballet me një situatë të vështirë për shkak të pandemisë Covid.

Koronavirusi dhe mutacionet e tij ende të pakonfirmuar sipas Eugena Tominit kanë kaluar në transmetim komunitar.

Mbi 1 mijë persona konfirmohen të infektuar në ditë, me dhjetëra të prekur të tjerë që nuk hyjnë në sistemin publik, po rriten vdekjet, ndërsa kapacitetet e 6 spitaleve Covid po shkojnë drejt ezaurimit.

?Kemi një transmetim komunitar. Një transmetim me incidencë të lartë të rasteve të konfirmuara, reflektuar jo vetëm me pozitivitetin, por dhe rastet që kanë kërkuar shtrim spitalor?, shprehet Eugena Tomini për ?A2?.

Karantina e plotë do të jetë guri i fundit i qeverisë, e cila si duket nuk ka në plan ta zbatojë para zgjedhjeve. Ndaj Tomini uljen e rasteve e kërkon përmes ndërgjegjësimit të popullatës.

?Karantina do jetë guri i fundit përkundrejt shtrëngimit të masave. Duhet të jemi të përgjegjshëm për zbatimin e masave?, shton Tomini.

Eugena Tomini, eksperte e komitetit teknik dhe zv.ministre e Shëndetësisë, tregon se 16 raste në vend janë konfirmuar të riinfektuar nga koronavirusi.

Në 25 shkurt, përfundon afati i masave të vendosura nga komiteti i ekspertëve. Ditën e mërkurë pritet mbledhja dhe vendimet e radhës. Burime nga komiteti bëjnë të ditur se nuk priten masa shtesë dhe as ashpërsimi i mëtejshëm i kufizimeve./CNA.al





Lajmet e fundit nga