web counter
LEXO PA REKLAMA!

SHKARKO APP

App Store
Google Play

E fundit!

x

Patozi e thotë troç/ Sali Berisha mban në këmbë Lulzim Bashën

22 Shkurt 2021, 22:00, Politikë CNA

“Sali Berisha vazhdon të mbetet një figurë me shumë rrezatim brenda PD-së”.

Kështu deklaroi koordinatori i Bindjes Demokratike Astrit Patozi, teksa po fliste për ish-kryeministrin.

Patozi tregon se ka komunikim me Berishën sa herë i rastis të takohen në të njëjtat ambiente, ndërsa  pretendon se ai ka ende peshë brenda PD-së.

Sipas tij, Berisha është personi që mban në këmbë Lulzim Bashën, sa herë që ky i fundit rrëshket.

“Besoj se ka shumë ndikim, pavarsisht rrëfimit të tij që thotë se i qëndron larg vendim marrjes së PD-së. Pra Sali Berisha është një njeri që është themeluesi i PD-së dhe mbështetësi kryesor i Lulzim Bashës. Në ka një njeri që mundohet ta mbaj në këmbë Lulzim Bashën edhe kur i rrëshket këmba, ky është Sali Berisha”, u shpreh ai në Vizon Plus.

Më tej, koordinatori i BD-së theksoi se: “PD-ja për fat të keq, ka të njëjtin vizion politik. Pra nuk thotë asgjë të re. Thotë vetëm që Edi Rama e ka tepruar dhe tani na ka ardhur neve rradha. Pak a shumë ky është koncepti. Përsa kohë nuk ka prezantuar asnjë gjë të re dhe nuk ka asnjë akt që të tregoj se është e ndryshme, dhe kjo është shumë e rëndë. Nga ana tjetër është i njëjti ekip, sepse nuk ka profile të reja të ardhura nga një karierë e suksesshme prej diku tjetër, por janë pjesë e arsenalit të vetë të vjetër politik. Pastaj ka dhe LSI-në në krah, dhe thotë se bashkë me LSI-në mund të bëjnë rotacionin”. / CNA.al





Lajmet e fundit nga