web counter
LEXO PA REKLAMA!

SHKARKO APP

App Store
Google Play

Performanca e ministrave/ Tre gra ndër më të vlerësuarat nga të rinjtë

22 Shkurt 2021, 20:27, Politikë CNA

Të rinjtë vlerësojnë më së shumti performancën e ministreve Ogerta Manastirliu, Olta Xhaçka dhe Belinda Balluku nga 16 anëtarët e kabinetit qeveritar. Këtë tregues e zbuloi sondazhi kombëtar i radhës kryer për Euronews Albania nga kompania prestigjioze MRB.

Ministrja e Shëndetësisë Manastirliu u vlerësua më lart nga të gjithë (49.8% në total). Performanca e saj ishte më e parapëlqyera nga femrat (52%) dhe grup-mosha 25-34 vjeç (59%).

Prirje të ngjashme vlerësimi nga të rinjtë patën edhe ministrja e Jashthme Xhaçka dhe ajo e Infrastrukturës Balluku ? 53.1% dhe 49.1% në grup-moshën 18-24 vjeç.

Ndryshe, të rinjtë nuk vlerësojnë performancën e ministres së Shtetit për Marrëdhëniet me Parlamentin, Elisa Spiropali. Bashkë me ministrin Eduard Shalsi, ajo është ndër më pak të vlerësuarit, teksa Spiropali ka dhe vlerësimin më të ulët (19.9%) në grup-moshën 18-24 vjeç.

Metodologjia

Sondazhi i kombëtar i Euronews Albania në bashkëpunim me kompaninë prestigjioze MRB zhvilloi 1,600 intervista ballë për ballë me persona me të drejtë vote (mbi 18 vjeç) në 12 zona elektorale urbane dhe rurale nga 25 janari deri më 12 shkurt.

Nga të intervistuarit, diçka më shumë se gjysma ishin femra (51%).

Preferenca për koalicionet, performancën e qeverisë dhe opozitës, si dhe prirja e votës ishin disa nga tematikat kryesore që u morën nën analizë, rreth dy muaj para zgjedhjeve të përgjithshme në vend./CNA.al





Lajmet e fundit nga