E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

E habitshme/ Ilir Meta bën thirrje: Votoni kundër meje

22 Shkurt 2021, 10:47, Politikë CNA

Presidenti Ilir Meta, sot në mëngjes, javën ka zgjedhur që ta fillojë me një sulm ndaj medias.

Ka sulmuar gazetën Tema, e cila ishte dikur media që e mbronte më shumë, kur ndodhi skandali me çështjet e Tom Doshit dhe më pas ka qenë media që e ka sulmuar sërish më shumë, në rastin e 21 janarit dhe bllokut të famshëm të Dritan Priftit. Meta në mesazhin e tij ka qenë i drejtpërdrejtë, presidenti në 25 prill do të votojë kundër oligarkëve. Ky është rasti i parë në botë që një politikan bërtet të votojnë kundër tij.

Dikush mund ta marrë me të qeshur, dikush mund të mos e shohë seriozisht, por e vërteta është kjo. Ilir Meta sot me thirrjen e tij kundër oligarkëve ka bërë thirrje për të votuar kundër Ilir Metës. A nuk është Ilir Meta oligarku i politikës shqiptare 30 vjeçare? Ai dhe familja e tij, prej 30 vitesh paguhen nga taksat tona, deklaron një pasuri marramendëse gjojan të fituara nga disa trashëgimi të Monikës e cila nuk do të mjaftonte as për shkollimin e fëmijëve të tij në Londër e cila ka kushtuar të paktën 1 miliardë lekë. Gëzon vila, apartamente luksoze dhe pasuri të çmendur, jo vetëm vetë, por ka edhe bashkëshorten në politikë që ja paguajnë shqiptarët.

Nuk mjafton të paguajnë Ilirin, por duhet të paguajnë të dëgjojnë edhe Monikën. Pra njeriu që ka 30 vjet në politkë dhe vetëm ka fituar nga kjo, a nuk është një oligark? Së dyti, a nuk është Ilir Meta njeriu që vodhi floririn, njeriu i akuzuar për 1001 gjema e bamë, a nuk është njeriu përgjegjës për 21 janarin, kujtojmë këtu dosjen e famshme të Dritan Priftit. A nuk është Ilir Meta njeriu që solli Rilindjen në pushtet, njeriu që qeverisi me Sali Berishën.

A nuk është Ilir Meta njeriu i skandaleve, pazareve dhe fëlliqësisë politike? A nuk është Ilir Meta oligarku i politikës? Njeriu më i pasur në politikën shqiptare është Ilir Meta, pa asnjë diskutim. Të tjerët kanë aktivitete, biznese dhe kanë ushtruar një profesion. Ilir Meta s? ka bërë asgjë, ka qenë kryeministër, kryetar Kuvendi, president, kryetar partie, minister i jashtëm, çdo post publik dhe ka një pasuri të çmendur që ja kalon ndoshta edhe një oligarku.

Mjafton për të sqaruar shqiptarët se Ilir Meta ka floririn, atë që është akuzuar se e ka vjedhur. Prandaj sot mesazhi i Ilir Metës është i thjeshtë dhe i qartë për tu lexuar. Më 25 prill shqiptarët duhet të votojnë kundër oligarkëve dhe këtë thirrje e ka bërë presidenti. Ky është rasti për ta dëgjuar Ilir Metën, në 25 prill shqiptarët të shkojnë të votojnë kundër Ilir Metës dhe kjo është mjaft e qartë. Ai kërkesën e ka bërë vetë dhe nuk ka pse mos e dëgjojmë këtë herë presidentin e Republikës./CNA.al

?Referendumi i 25 prillit do të përmbysë klikën oligarkike?/ Meta kundër Gazetës Tema