E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Mbledhje te Kukësi, zbardhen urdhrat e Gjicit

9 Shkurt 2021, 08:03, Sport CNA

Kukësi mori një humbje të papritur ndaj Kastriotit, takim i cili në letër dukej i kalueshëm për verilindorët, por në realitet rezultoi krejt ndryshe. Humbja tregoi se duhet të bjerë sërish alarmi në kampin verilindor.

Pas tri fitoreve radhazi, nënkampionët gjenden në pikëpyetje të madhe. E pikërisht për këtë ngërç mendoi sërish ai që duhet të jetë në kohë normale në krye të punëve të ekipit, presidenti Safet Gjici. Fill pas ndeshjes ditën e diel, sapo nisi java, kreu i klubit edhe pse me angazhime të mëdha politike, thirri në mbledhje ekipin dhe stafin.

Si për të treguar që ai është aty kur duhet, ndonëse jo gjithmonë, kreu i klubit mblodhi të gjithë anëtarët e klubit dhe mbajti mbledhjen e radhës. Por, ndryshe nga më parë, presidenti i klubit foli më butë se zakonisht, por jo me më pak peshë. Si gjithnjë, në orën 09:00 ai nisi mbledhjen. Për herë ta parë ishte edhe trajneri Josa. Gazeta ka arritur të zbardhë një pjesë të pasazheve gjatë mbledhjes të kreut të klubit:

?Përshëndetje të gjithëve! Si jeni? Mirë? Nuk më dukeni mirë? Në fakt, nuk jeni fare mirë. Meqenëse trajneri Josa është për herë të parë në mbledhjet tona ju e dini që unë nuk pranoj humbje, e natyrisht që ky është momenti që ju duhet të reflektoni të gjithë. Nuk i kuptoj këto ulje-ngritjet tuaja. Më shqetësojnë këto rezultate. Kërkoj nga ju rikthimin te fitoret?, tha në fillim Gjici.

Në një moment u drejtohet lojtarëve: ?Nëse keni diçka ma thoni. Kushdo që ka diçka me klubin me mua, mund të ma thoni. Kam qenë korrekt me ju për gjithçka. Nëse keni ndonjë gjë që nuk shkon ma thoni. Në të kundërt, futuni në fushë e luani. Jemi munduar t?i bëjmë detyrat tona në maksimum, tani radhën e keni ju të bëni detyrën tuaj në fushë.

Ndaj, bindjuni trajnerit, zbatoni instruksionet e teknikut?, tha ndër të tjera presidenti Gjici. Pas presidentit foli drejtori Nexhipi dhe trajneri Josa, të cilët shpjeguan arsyet e humbjes dhe kërkuan më shumë impenjim dhe vullnet.