web counter
LEXO PA REKLAMA!

SHKARKO APP

App Store
Google Play

E fundit!

x

Ndahet nga jeta legjenda e Skënderbeut

6 Shkurt 2021, 22:52, Sport CNA

Ditë zie për futbollin shqiptar! Legjenda korçare, Milutin Kërçiç është ndarë nga jeta në moshën 63-vjeçare, pak pas orës 23.00 të ditës së shtunë (6 shkurt 2021). Lajmi është konfirmuar nga burime familjare për CNA.al.

Mili siç e thërrisnin të gjithë në qytetin e Korçës, vuante prej disa kohësh nga një sëmundje e rëndë, teksa nuk arriti të fitonte dot betejën e mundimshme, pavarësisht përpjekjeve të shumta dhe zemra e tij pushoi së rrahuri.

Shumë prej sportdashësve që shijuan futbollin e viteve 1970 e mbajnë mend mjaft mirë talentin e Kërçiçit që ishte një nga më të dalluarit e atij brezi të artë futbollistësh. Me lojën e tij krenohej e gjithë Korça. Falë talentit të tij ai arrit të shndërrohej në një legjendë të vërtetë.

Në sezonin 2010-2011, Kërçiçi ishte edhe pjesë e stafit teknik të Skënderbeut, si dhe ndihmësi i parë i ish-trajnerit Shpëtim Duro. Edhe me ardhjen e teknikut çek Stanislav Levi, Milutini vazhdoi punën pranë skuadrës si ndihmës trajner, por edhe si përkthyes për lojtarët sllavë që luajnë te kjo skuadër, duke patur një meritë të madhe në ndërtimin e Skënderbeut të lavdishëm që bëri krenar gjithë shqiptarët anë e mbanë botës.

Stafi i “CNA.al” i shpreh ngushëllimet në të shtrenjta familjes për ndarjen nga jeta të njeriut të tyre të shtrenjtë.

 





Lajmet e fundit nga