E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Artan Hoxha zbulon dosjen “bombë” të SPAK/ Të dhëna shumë më të forta se të Ndraghetës

5 Shkurt 2021, 12:42, Kronika CNA

Gazetari Artan Hoxha ka zbuluar detaje nga hetimi i SPAK, për përgjimet e anti-mafias. Sipas Hoxhës, SPAK ka në dorë një dosje mjaft intensive me të dhëna më shumë se këto përgjime.

Në studion e ABC, thekson se brenda kësaj dosje, prokurorët do të gjejnë materiale më sensitive se ato të Ndraghetës. Sipas Hoxhës bëhet fjalë për një funksionar të lartë shtetëror, i cili ka lidhje me personazhe të botës së krimit.

?Me ndryshimet që janë bërë është e përcaktuar qartë mënyra si sillet organi i hetimit. Çështja është hapur. E morëm vesh që edhe kjo gjë ka ndodhur. Po ndiqen të gjitha hapat. Sa këllqe do të kenë prokurorët këtë do ta shohim. Për mua është shumë mirë që prokurori ndoqi këtë rrugën që shkoi në Romë. Ndryshe me atë të Tahirit ku prokurorët u morën vetëm me ato që dolën në media. Në këtë rast është ndjekur rrugë tjetër. Është shkuar dhe kërkuar materiali bazë. Është interesant të them, SPAK-u jonë në dosjet që ka në hetim ka të dhëna shumë herë më të rëndësishme nga këto që dalin nga përgjimet. Ata flasin për persona të tretë dhe ne kemi politikanët tanë këtu që thanë janë indicie, prokurorët do mundohet të krijojnë prova.
Brenda në dosje, prokurorët do të gjejnë materiale shumë më sensitive se këto të përgjimeve, aty do të gjejnë funksionarë me personazhe të botës së krimit. Ke një funksionar të rëndësishëm shtetëror, në një dosje tjetër prokurorët kanë të dhëna, telefonata, që janë shumë më të forta se këto të Ndraghetës. Bëhet fjalë për personazhe të botës së krimit në vitet 2004-2005 që komunikojnë me funskionarë. Ose nuk janë hetuar nuk e di, pro di që ai material ndodhet në dorë të SPAK-ut. Kanë për të dalë të dhëna shumë më interesante se përgjimet e Ndraghetës. Ne këtu e kemi pasur Ndraghetën shumë herët.
Kjo zhurma që ne kërkonim nuk u bë në tre ditët e para. Ata kanë hapur procedimin, kanë parë të dhënat, kanë shkuar në Itali dhe në datën 4 publikuan deklaratën që çështja ka filluar. Do të shikojmë se cilët nga personazhet janë të vërtetë të përfshirë. Janë elementë që duhen parë një nga një.
Një nga dosjet që ka SPAK ka të dhëna mjaft të rëndësishme për përfshirje të funksionarëve të lartë shtetërorë me personazhe të botës së krimit?, tha Hoxha./CNA.al