web counter
LEXO PA REKLAMA!

SHKARKO APP

App Store
Google Play

Britani, studim mbi efektivitetin e kombinimit të vaksinave kundër COVID-it

4 Shkurt 2021, 18:20, Lifestyle CNA

Në Britani ka nisur një studim për të parë se çfarë efekti kanë në imunitetin e njerëzve dozat e marra nga dy vaksina të ndryshme. Shkencëtarët thonë se përzierja e dozave mund të garantojë një mbrojtje edhe më të mirë.

Qeveria britanike po mbështet një studim për të parë nëse duke u dhënë njerëzve doza nga vaksina të ndryshme, mund të jetë po aq efektive sa marrja e të dyja dozave nga e njëjta vaksinë. Rreth 800 persona mbi 50 vjeç pritet të përfshihen në studim dhe rekrutimi i tyre mbi baza vullnetare ka nisur që sot (e enjte).

Eksperti kryesor i studimit thotë se qëllimi do të jetë që të zbulohet nëse një pacient mund të marrë një dozë nga një lloj vaksine e më pas sistemi i tij imunitar të forcohej duke i dhënë një dozë, nga një tjetër vaksinë.

“Me këtë studim synojmë të japim doza të vaksinave të ndryshme, pra mund të nisë injektimi me vaksinën e Pfizer/BioNTech-ut dhe më pas të përforcohet me një dozë të dytë të vaksinës së AstraZeneca-s. Ne po kërkojmë të shohim nëse përgjigja imunitare që prodhohet është po aq e mirë sa në rastin kur të dyja dozat i takojnë së njëjtës vaksine?, thotë Dr Matthew Snape, profesor i asociuar në departamentin e Pediatrisë dhe Prodhimit të Vaksinave në Universitetin e Oksfordit.

Ai thotë se objektivi është që pjesëmarrësit të regjistrohen brenda muajit shkurt dhe pastaj disa nga rezultatet duke vëzhguar nivelin e antitrupave, të merren ndoshta në qershor a korrik. Ministri i ngarkuar me operacionet për vaksinimin e popullatës Nadhim Zahawi, këmbënguli se studimi nuk do të ndikonte në shpërndarjen e vaksinave.

“Të gjithë prodhuesit sikurse Pfizer, BioNTech-u, Moderna, Oxford/AstraZeneca e të tjerë po shohin mundësitë se si mund t?i përmirësojnë vaksinat e tyre për t’u siguruar që të jemi gati për çdo variant. Aktualisht ka rreth 4,000 variante në të gjithë botën të COVID-19?, tha ai.

Qeveria ka dhënë për studimin rreth 9.5 milionë dollarë dhe gjetjet e tij nuk pritet të jenë në dispozicion deri në verën e këtij viti./ VOA





Lajmet e fundit nga