web counter
LEXO PA REKLAMA!

SHKARKO APP

App Store
Google Play

E fundit!

x

Pengmarrja dhe vrasja e Jan Prengës/ GJKKO liron nga qelia Ardian Doçajn

1 Shkurt 2021, 15:18, Kronika CNA

Erdhi nga Vjena pasi policia e shpalli në kërkim si të përfshirë në rrëmbimin dhe ekzekutimin e Jan Prengës në Kamëz, gjykata liron nga burgu Ardjan Docajn. Gjykata e posaçme kundër Korrupsionit dhe Krimit të Organizuar ka caktuar ndaj Docajt masën e ‘detyrim paraqitje’ duke pranuar kërkesën e avokatit Tonin Prendi për lirimin e klientit të tij.

Ardjan Docaj është vetëdorëzuar pranë autoriteteve, 19 ditë pas pengmarrjes ndërkohë që një ditë me parë Operacioni “Forca e Ligjit” i sekuestroi pasuritë në Shkodër. Doçaj u vetëdorëzua në pikën kufitare të Hanit të Hotit, teksa udhëtoi nga Vjena në drejtim të Podgoricës.

Vetë Doçaj shprehej në një seancë gjyqësore se “nuk kam lidhje, si njoh, kurrë nuk kam qenë i dënuar. Nuk i jam shmangur në asnjë moment drejtësisë, kam qenë jashtë shtetit, erdha u vetëdorëzua dhe kërkoj hetimin në gjendje të lirë”.

Jan Prenga u rrëmbye në Kamëz më 17 Janar 2020, ndërsa më 5 shkurt 2020 Doçaj sapo mbërriti nga Vjena u vu në prangat e policisë.

Prej më shumë se një viti trupi i Jan Prengës nuk është gjetur ndërsa policia ndër emrat e dyshuar për rrëmbimin dhe vrasjen e tij ka edhe pjesëtarë të familjes Hajri në Shijak./CNA.al





Lajmet e fundit nga