web counter
LEXO PA REKLAMA!

SHKARKO APP

App Store
Google Play

E fundit!

x

SHBA e vendosur për ndëshkimin e Llallës/ Dështon seanca e parë ndaj ish kryeprokurorit

29 Janar 2021, 10:59, Kronika CNA

Dështon seanca e parë ndaj ish prokurorit të Përgjithshëm të Adriatik Llalla. Shkak i shtyrjes së seancës ndaj Llallës u bë pasi mbrojtja kërkoi përjashtumin e gjyqtares Daniela Shirka. Sipas avokatit, çështja është dërguar në Gjykatën e Lartë dhe nuk mund të vazhdojë procesi derisa Të shprehet Gjykata e Lartë nëse do e pranojë apo jo kërkesën e Lllallës për rekurs.

Por ajo që u vu re ishte vendosmëria e SHBA për t?i shkuar deri në fund ndëshkimit të Llallës. Të pranishëm në seancën gjyqësore ishin përfaqësuesit e ambasadës amerikane, të cilët e kanë ndjekur deri në fund.

Seanca e rradhës u vendos të zhvillohet më datë 3 shkurt ora 14:00

Një muaj më parë GJKKO, kaloi dosjen Llalla për gjykim, ku ai do të gjykohet për akuzën e ?Fshehjes dhe mosdeklarimit të pasurisë?. Gjithashtu gjatë kësaj seance Apeli i GJKKO-së rivendosi pasurinë e ish kryeprokurorit.

Ish-prokurorit iu sekuestrua një apartament 67 metra katrorë në Durrës dhe katër parcela toke me sipërfaqe të përgjithshme prej rreth 22 mijë metrash katrorë në periferi të Tiranës. Më 19 nëntor të vitit që sapo lamë pas gjyqtarja Irena Gjoka pranoi kërkesën e SPAK për gjykimin e Llallës për fshehje të pasurisë dhe në të njëjtin vendim liroi nga sekuestroja pronat e sekuestruara në fillim të hetimit nga ish-Krimet e Rënda.

Hetimi ndaj Llallës fillimisht u regjistrua f nga Prokuroria e Durrësit më 15 mars të vitit 2018 me akuzat e fshehjes së pasurisë shpërdorimit të detyrës dhe pastrimit të parave.

Ai u hetua edhe për veprën penasle të ?mosdeklarimit të shumave monetare në kufi?. Më pas, dosja u dërgua në Prokurorinë e Krimeve të Rënda, e pas shkritjes së këtyre të fundit dosja i kalojë SPAK-ut./CNA.al





Lajmet e fundit nga