web counter
LEXO PA REKLAMA!

SHKARKO APP

App Store
Google Play

E fundit!

x

Rritja e shifrave të të infektuarve/ Vasili: Vaksinimi në Shqipëri nuk ekziston

27 Janar 2021, 11:50, Politikë CNA

Nënkryetari i LSI, Petrit Vasili ka folur për situatën me COVID-19 në Shqipër dhe procesin e vaksinimit.

Në një deklaratë për mediat, Vasili u shpreh se shifrat po rriten, ndërsa qeverisë i ka ikur kontrolli nga duart. Sa i përket vaksinimit, Vasili qartëson se ky proces nuk ekziston më në Shqipëri pasi nuk ka më doza vaksinash të reja.

?Në këto muaj tepër të vështirë të dimrit, ku dihej dhe pritej që situata me COVID-in do të rëndohej, pra pandemia do të merrte një rrugë edhe më të vështirë, konstatohet për fat të keq, e njëjta situatë kaosi dhe mungese kontrolli total nga ana e qeverisë, e cila ka zgjedhur që në ditët e para të kësaj pandemie, e deri më sot kur shkojmë afërsisht drejt 1 viti të përpalljes me të, që të bëjë propagandë në mënyrë të përditshme e të mos përballet seriozisht me problemin.
Shifrat janë kokëforta, vetëm dje ka pasur rreth 900 të infektuar, për saktësi 879. Kësaj situate, në vend që ti përgjigjen me analizë shumë të imët të saj, nxjerrjes së çdo shkaku, të çdo elementi që nuk funksionon dhe rindërtimit totalisht të punës në terren, ju e keni parë dhe vazhdoni ta shihni se si gënjen Kryeministri nga mëngjesi deri në darkë, se si shkojnë te muri i qendrës shëndetësore, që ka ekzistuar dhe ekziston prej kohësh, por këta i fusin një bojë dhe rrinë me shtatë kamerat e ERTV-së se si do ta shesin në publik dhe si do gënjejnë dynjanë.

Shifrat janë të vërteta, janë reale. Situata është shumë e vështirë në ekonomi. Procesi i ashtuquajtur i vaksinimit nuk ekziston. Pra, vaksinimi në Shqipëri nuk ekziston, nuk bëhet, ky është fakt. Trasta e vaksinave, me 900 e ca të tilla, e cila ka mbi dy javë që vjen vërdallë, siç e dini ka degraduar tërësisht si proces, pasi as nuk ka doza vaksinash të reja. Priteshin që sipas premtimeve zhurmëmëdha të Kryeministrit shqiptar se do të vinin në fillimin e javës së tretë, pra që më 15 janar, dhe asnjë lajm dhe asgjë tjetër nuk ka.

Qindra e mijëra të sëmurë, pasi shifra e të sëmurëve realë është shumë më e lartë se sa kjo që ekzaminohet, vetë trajtohen nëpër banesa, pa kujdes shëndetësor, pa mbështetje financiare dhe shqiptarët po robtohen e po shkatërrohen ekonomikisht e po futen në borxhe për të përballuar kurimin tepër të kushtueshëm nga COVID-19.

Asnjë analizë nuk bëhet për humbjet e jetëve, ndonëse shifrat kanë qenë kritike dhe po nga kjo foltore kam ngritur qartë dhe prerë çështjen, që bëhet fjalë për mijëra të sëmurë që kanë humbur jetën, të cilët nuk janë evidentuar apo analizuar për të marrë masa të menjëhershme, urgjente, serioze, efikase për të përballuar situatën siç duhet. Kjo heshtje e plotë dhe mbajtja e propagandës së një qeverie që ndërron vetëm modelet, format, ngjyrat dhe dizajnin e maskave, ky është një turp me pasoja shumë të rënda për jetën dhe shëndetin e qytetarëve?, u shpreh Vasili./CNA.al





Lajmet e fundit nga