web counter
LEXO PA REKLAMA!

SHKARKO APP

App Store
Google Play

Manastirliu e pranon/ Kemi pasur mbi 7 mijë ankesa për stafin mjekësor

21 Janar 2021, 20:42, Lifestyle CNA

Ministrja e Shëndetësisë Ogerta Manastirliu, ka folur mbrëmjen e sotme për denoncimet e emisionit ?Stop?, lidhur me abuzimet në spitalet Covid.

Manastirliu tha se këto raste nuk duhet të përgjithësojnë të gjithë mjekët dhe infermierët, ndërsa pranoi se ankesa ka pasur edhe në strukturat e qeverisë dhe drejtoritë e ankesave.

Ajo tregoi në emisionin ?Opinion? se janë regjistruar mbi 7 mijë ankesa, ndërsa deklaroi se më të shumtat kanë qenë për mënyrën e komunikimit të stafit mjekësor.

“Këto raste asesi nuk mund të përgjithësojnë të gjithë mjekët dhe infermierët. Padyshim që këto raste kanë qenë, janë dhe do të jenë se janë të lidhur me veset nga njerëz të pamoralshëm.

Qytetarët ankohen në strukturat e sistemit shëndetësor. Ne kemi një drejtori të ankesave, drejtori e ngritur për të marrë ankesa dhe për t?i zgjidhur në çast. Nga ana tjetër kemi një platformë, që është platforma e bashkëqeverisjes.

Ne kemi procesuar mbi 7 mijë ankesa. Dhe për spitalet Covid ka patur ankesa, ka pasur në përgjithësi për komunikimin me pacientët e shtruar që ne e kemi përmirësuar?, theksoi ministrja./ CNA.al





Lajmet e fundit nga