web counter
LEXO PA REKLAMA!

SHKARKO APP

App Store
Google Play

E fundit!

x

Ministri Peleshi ngushëllon familjen e Majorit Jazaj/ Zbulon çfarë diskutoi me shokët e tij

20 Janar 2021, 16:29, Aktualitet CNA

Ministri i Mbrojtjes Niko Peleshi ka reaguar për lajmin tragjik që mësuam mbrëmjen e djeshme, ku në rrethana të paqarta humbi jetën ushtaraku, Major Xhevahir Jazaj në Afganistan.

Peleshi i shpreh familjes Jazaj dhe gjithë të afërmve ngushellimet e sinqerta për këtë humbje të madhe, teksa pati sot një komunikim me kontingjentin shqiptar që shërben në Herat dhe Kabul.

Ministri i Mbrojtjes thekson se ushtarakët e Shqipërisë janë krenaria jonë, dhe se mendjen dhe zemrat e shqiptarëve shkojnë për të ndjerin Xhevahir Jazaj.

?Largimi nga jeta i një ushtaraku, aq me tepër në mision larg atdheut, është një ngjarje e dhimbshme për të gjithë.

I shpreh ngushëllimet e mia më të thella familjes së Majorit Xhevahir Jazaj. Para pak çastesh pata një komunikim të drejtpërdrejtë me kontingjentin shqiptar që shërben në Herat dhe Kabul. Ndava me ta ngushëllimet për humbjen e shokut te tyre dhe i sigurova se gjithë shqiptarët janë me mendje e me zemër pranë tyre. Ata janë krenaria jonë në raport me aleatet në NATO e partnerët tanë strategjike SHBA dhe BE me të cilët ndajmë sfida të përbashkëta të mbrojtjes kolektive, paqes dhe sigurisë?, tha Peleshi./CNA.al





Lajmet e fundit nga