E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

“BE të fillojë negociatat”/ Palmer: Shqipëria dhe Maqedonia kanë përmbushur kërkesat

12 Janar 2021, 22:00, Politikë CNA

?Është e rëndësishme që Bashkimi Evropian të gjejë një rrugëtim për mbajtjen e Konferencave Ndërqeveritare për Maqedoninë e Veriut dhë për Shqipërinë, t’i fillojë këto procese.?

Kështu deklaroi mbrëmjen e sotme zëvendësndihmës sekretari amerikan i shtetit Matthew Palmer, teksa po fliste për hapjen e negociatave.

Ai tha se të dy vendet i kanë përmbushur kërkesat e BE, ndërsa theksoi se dëshiron se negociatat të hapen sa më shpejt të jetë e mundur.

?Patjetër, të dy vendet i kanë përmbushur kërkesat në kuadrin e kushteve që janë vendosur nga BE. Dhe besoj se ky do të jetë një event jashtëzakonisht shumë i rëndësishëm, duam që të ndodh sa më shpejt të jetë e mundur. E kuptojmë që ka disa komplikime dhe pse po zgjat më tepër. Por ama besoj se ky do të jetë një gur kilometrik shumë i rëndësishëm që i vendos Shqipërinë dhe Maqedoninë e Veriut në rrugën e anëtarësimit?, nënvizoi Palmer.

Më tej, zëvendësndihmës sekretari amerikan i shtetit foli edhe per Reformën në Drejtësi dhe për ngritjen e Gjykatës Kushtuese.

?Besoj se është shumë inkurajuese që Gjykata e Lartë dhe Gjykata Kushtetuese janë krijuar tashmë. Duam me të vërtetë të shohim plotësimin e vendeve me gjyqtarë në këto institucione në mënyrë që të ofrohet cilësia më e lartë e mundshme e drejtësisë. Ne shohim institucionet e reja si Byron Kombëtare të Hetimit edhe SPAK si institucione që ofrojnë mundësi për të forcuar sundimin e ligjit dhe për të krijuar transparencën dhe faktikisht llogaridhënien që kërkohet dhe meriton populli shqiptar. Kështu që në këtë proces të krijimit të forcimit të këtyre institucioneve dhe këtij kuadri institucional që është në bazë të qeverisjes së mirë dhe qeverisjes transparente dhe qeverisjes llogaridhënëse, SHBA -të do të punojnë shumë ngushtë me lidershipin në Shqipëri dhe me klasën politike dhe me publikun shqiptar që këto të gjitha të bëhen realitet?, deklaroi Palmer./ CNA.al